Урысей Федерацэм щIыхь зиIэ и тренер Ныр Сеф и фэеплъу дзюдомкIэ зэхьэзэхуэ иджыблагъэ Налшык къалэм щекIуэкIащ. Абы хэтащ республикэм и гъэсэн цIыкIуи  100-м щIигъу.

Урысей Федерацэм цIы­ху­хэм щIэныгъэ нэхъыщхьэ щрагъэгъуэт и IэнатIэм щIыхь зиIэ и лэжьакIуэ, Къэрэшей-Шэрджэс, Къэбэрдей-Балъкъэр республикэхэм щIэныгъэхэмкIэ щIыхь зиIэ я лэжьакIуэ, филологие щIэныгъэхэмкIэ доктор, профессор БакIуу Хъанджэрий Ильяс и къуэр ящыщщ лъэпкъ щIэныгъэм и зыужьыныгъэм хэлъ­хьэ­ныгъэ ин хуэзыщIа ди IэщIагъэлI пажэхэм.

КъБР-м и Парламентым и УнафэщI Егоровэ Татьянэ ­«ХъуэпсапIэхэм я псей» псапащIэ Iуэхум хыхьэу игъэ­зэщIащ Къэбэрдей-Балъкъэ­рым и ныбжьы­щIэ­хэм я хъуэп­сапIэхэр.

УФ-м и Президент Путин Владимир иригъэкIуэкIа Къэ­рал советым и зэIущIэм ­КъБР-м и Iэтащхьэ КIуэкIуэ Казбек хэтащ.

ИлъэсыщIэ дызыпежьэм ирихьэлIэу Урысей гвардием и управленэу КъБР-м щыIэм и «Эльбрус» СОБР-м и лэжьа­кIуэхэр, «Iуэху хэха зыгъэзащIэ   Уае Дадэ» урысейпсо акцэм хыхьэу щыIащ зи къалэн зыгъэзащIэу хэкIуэда я лэжьэ­гъум и унагъуэм. 

Къэбэрдей-Балъкъэрым бок­сым­кIэ и чемпионатрэ пашэныгъэр къэхьыным хуэунэтIа зэхьэ­зэ­­хуэрэ иджыблагъэ Налшык къа­лэм щекIуэкIащ. Зэпеуэм и ме­далхэм щIэбэнащ республикэм и спортсмени 100-м щIигъу, гуп 11-у гуэшауэ. 

Хабзэ зэрыхъуауэ, Налшык и Музыкэ театрым щагъэува ИлъэсыщIэ псей нэхъыщхьэм цIыкIухэр ирагъэблэгъащ. Ар къызэ­рагъэпэщащ КъБР-м и Пра­вительствэмрэ КъБР-м и Профсоюзхэм я федерацэмрэ.

Иджыпсту я куэдыгъуэщ псоми фIыуэ ялъагъу ­хъурмэ гъуэжьышхуэхэм. Абыхэм я кур зэрыщабэм къыхэкIыу шхыгъуафIэщ, IэфIи ящIэлъщ, псом хуэ­мыдэу хъупамэ. А пхъэщхьэмыщхьэр щы­ны­къуэхъум деж тэмакъым фIэмыкIыу шхыгъуейщ абы танин куэду зэрыхэлъым къыхэкIыу - нэхъ хъуху, а пкъыгъуэр нэхъ мащIэ мэхъу.

ИлъэсыщIэм ирихьэлIэу, КъБР-м и Парламентым зэрихабзэу республикэм и лэжьакIуэ нэхъыфIхэр егъэпажэ. Парламентым и ЩIыхь тхылъхэмрэ абы и Уна­фэщIым и ФIыщIэ тхылъхэмрэ дыгъуасэ хуагъэфэщащ цIыху 70-м щIигъум.

Гуманитар къэхутэныгъэхэмкIэ Къэбэрдей-­Балъкъэр институтым иджы­благъэ дунейм ­къы­тригъэхьащ «Адыгэ (адыгей, къэбэрдей, шэрджэс, хэхэс адыгэ) тха­кIуэхэр XIX - XXI лI.лI» фIэщыгъэм щIэт биобиблиографие псалъалъэм и ещанэ Iыхьэр (Р-Я хьэрф­хэр).