ИлъэсыщIэ дызыпежьэм ирихьэлIэу Урысей гвардием и управленэу КъБР-м щыIэм и «Эльбрус» СОБР-м и лэжьа­кIуэхэр, «Iуэху хэха зыгъэзащIэ   Уае Дадэ» урысейпсо акцэм хыхьэу щыIащ зи къалэн зыгъэзащIэу хэкIуэда я лэжьэ­гъум и унагъуэм. 

Ахэр къадэлэжьам и Iыхь­лы­хэм къэблэгъа ­махуэшхуэмкIэ ехъуэхъуащ, мылъкукIэ зы­щIа­гъакъуэри, сабийхэм илъэсыщIэ тыгъэхэр IэщIалъ­хьащ. 
- Махуэшхуэ гъэщIэгъуэным ирихьэлIэу сабийхэм я илъэсы-щIэ гукъыдэжыр къэтIэтыну, ­гъэ­щIэгъуэн гуэркIэ дахуэупсэ- ну дыхуейщ. Фи уна­гъуэм узыншагъэ быдэ, зэIузэпэщыгъэ илъы­ну, фи хъуэпсапIэхэр къы­вэхъулIэну ди гуапэщ, - жиIащ полицэм и майор Лыкъуэжь Маринэ.
 
БАХЪСЭН  Азэмэт.