Художник Трындык Василий СурэтыщI ­гъуазджэхэмкIэ музейм, Ткаченкэ Андрей и цIэр зезыхьэм, и фондым тыгъэ хуищIащ ­КъБАССР-м щIыхь зиIэ и художник, респуб­ликэм мы IэщIагъэм хуеджа и япэ профессиональнэ сурэтыщIхэм ящыщ, и адэ Трындык Николай къыщIэна лэжьыгъэ 24-рэ. 

Ди къэралышхуэм хыхьэ щIыналъэ псоми мы тхьэмахуэм щагъэлъэпIащ УФ-м и Президентым къыхилъхьа жэрдэмым ипкъ иткIэ махуэгъэпсым къыхыхьа махуэщIыр: ди Хэкум щыпсэу лъэпкъ­хэм я бзэхэм я махуэр. Къэбэрдей-Балъкъэрми гулъытэншэ щыхъуакъым ар. ЕджапIэхэми, гъэсапIэхэми, щэнхабзэм и IэнатIэхэми щызэхашащ махуэшхуэ зэIущIэхэр.

ФокIадэм и 10-м, ЦIыхум зиукIыжыныр къэмыгъэхъуным и дунейпсо махуэм, ирихьэлIэу Урысей ФСИН-м и управленэу КъБР-м щыIэм и IуэхущIапIэхэм щрагъэкIуэкIащ «ГъащIэ» акцэ. Абы и купщIэ нэхъыщхьэр ягъэтIысахэм я гуп­сысэхэр фIым траухуэнырщ, езыхэми зыхэтхэми зэран яхуэхъу я дуней тетыкIэр хъуэжынырщ. 

Дызэрыщыгъуазэщи, фокIадэм и 8-м ди къэралым щагъэлъэпIащ Урысей Федерацэм и лъэпкъхэм я бзэхэр хъумэным и махуэр.

КъБР-м и Iэтащхьэ КIуэкIуэ Казбек иригъэкIуэкIащ Къэ­бэрдей-Балъкъэр Республикэм Хабзэр къызэгъэпэщынымкIэ зэпымыууэ лажьэ и зэзыгъэуIу гупым и зэIущIэ.

Налшык Кулиев Къайсын и цIэр зезыхьэ и уэрамым тет модель библиотекэм щекIуэкIащ КъБР-м и Къэралыгъуэм и махуэм траухуа зэIущIэ дахэ. 

КъБР-м и Iэтащхьэ КIуэкIуэ Казбек хэтащ Адыгэ Республикэм и къалащхьэ Мей­къуапэ щызэхаша, тхакIуэ цIэрыIуэу, жылагъуэ лэжьакIуэ емызэшу щыта, Урысей Федерацэм ЛэжьыгъэмкIэ и ЛIыхъужь МэшбащIэ Исхьэкъ Шумахуэ и къуэр иужьрей ­гъуэгуанэм щытрагъэувэжа фэеплъ пэкIум.

СурэтыщI гъуазджэхэмкIэ музейм Ткаченкэ Анд­рей и цIэр зезыхьэм, гъэ­лъэ­гъуэныгъэ телъы­джэ щокIуэкI. «Ди адэхэм я щIы­налъэ» зи фIэщыгъэ зэIущIэм утыку къыщихьащ Урысейм и Сурэ­тыщIхэм я зэгухьэныгъэм Москва щиIэ и къудамэм хэт Анаев Мурат и IэдакъэщIэкI су­рэтхэр. ЖыпIэ хъунущ ар абы и ныб- жьыр илъэс щэщIрэ тхурэ ­щрикъу фокIадэ мазэм ирихьэлIэу къызэригъэ­пэщауэ. 

Дзэлыкъуэ районым щекIуэкIащ эктремизмэмрэ терроризмэмрэ щIа­лэгъуалэр пэIэщIэ щIыным теу­хуа зэIущIэхэр. Терроризмэм ебэн­хэм я зэкъуэтыныгъэм и ­махуэм ирихьэлIэу къызэрагъэпэща Iуэ­хур щыIащ Дзэлыкъуэ­къуажэрэ Сэр­макърэ щэнхабзэмкIэ я унэхэм.

Налшык къалэр, ЗэгурыIуэныгъэм и утыр, мы махуэхэм Урысейм и ерыскъыхэкIхэм я къалащхьэхэм ящыщ зы ­хъуащ. «КРСТ» къэрал программэм тету, УФ-мрэ КъБР-мрэ Мэкъумэш хозяйствэмкIэ и министерствэхэм къызэрагъэпэща «Урысейм и шхыныгъуэ гурыхьхэр» фестивалым жыджэру хэтащ икIи къыщIагъэкI ерыскъыхэкIхэр щагъэлъэгъуащ къэралым и щIыналъэ 40-м щIигъум.