КъБР-м щыIэ МВД-м къыщапщытэжащ «Ажалыр щащэр къыджеIэ» наркотикым пэщIэт урысейпсо акцэм и япэ Iыхьэм кърикIуахэр. Ар екIуэкIащ полицэм и лэ­жьакIуэхэр, къулыкъущIапIэхэмрэ ведомствэхэмрэ, жылагъуэ IуэхущIапIэхэм, Къэбэрдей-Балъкъэр Республикэм и щIалэгъуалэ волонтер зэщIэхъеныгъэхэм я лIыкIуэхэр хэту. 

УсакIуэ, зэдзэкIакIуэ, Къэбэрдей-Балъкъэрым и цIыхубэ тхакIуэ, щэн­хабзэмкIэ щIыхь зиIэ и лэ­жьа­кIуэ Елгъэр Кашиф Мысост и къуэм и фэеплъ пхъэбгъу ар щыпсэуа, Лениным и цIэр зезыхьэ уэрамым тет 42-нэ унэм и деж къыщызэIуахащ. ЗэIущIэм зыкърагъэхьэлIат къэрал унафэщIхэм, Кашиф и лэжьэгъуу, ныбжьэгъуу щытахэм, и благъэ-Iыхьлыхэм.

ООН-м къызэригъэпэщ «Мамырыгъэм    и жьэгу» джэгукIэм тращIыкIауэ Кавказ Ищхъэрэм щрагъэкIуэкI зэхыхьэр иджы­благъэ ди республикэм щызэхашащ. Мыбы студентхэмрэ школакIуэхэмрэ Iэмал ща­гъуэт дипломатхэм я къалэн ягъэзащIэу ­дунейпсо политикэм ехьэлIа Iуэху зэIу­мыбз­хэр щызэпкърахыну, къэрал зэмы­лIэужьыгъуэхэм я Iуэху еплъыкIэхэр къыщагъэлъэгъуэну.

Бэрбэч ХьэтIутIэ и цIэр зезыхьэ Къэ­бэрдей-Балъкъэр къэрал университетым  и бжэхэр махуитIкIэ яхузэIуихащ школыр мы гъэм къэзыух ныбжьыщIэхэм.

1941 - 1945 гъэхэм екIуэкIа Хэку зауэшхуэм хэтащ Гъу­кIэхэ Батэрэ Дисэрэ я щIалитI - Мусарэ Нахъуэрэ. Тэрч областым и Наурзо­къуэ ­къуажэм (Бахъсэн районым хиубыдэ Ислъэмей къуа­жэрщ) къыщалъхуащ Муса 1902 гъэм, Нахъуэ - 1915-м. Хэку зауэшхуэр къэхъейри, КъБАССР-м, Бахъсэн райо­ным и РВК-м зэкъуэшитIри Дзэ Плъы­жьым хигъэхьащ.

Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым менеджментымкIэ, туризмэмрэ хьэщIагъэм епха хуэIухуэщIэхэмкIэ и институтым иджыблагъэ пшыхь дахэ щызэхэтащ. ХьэщIагъэм и махуэм ирихьэлIэу къызэрагъэпэща Iуэхугъуэ дахэр и щхьэусыгъуэу КъБКъУ-м и лэжьакIуэ Балъкъэр Залинэ илъэс зыбжанэ хъуауэ иригъэкIуэкI къэхутэныгъэм щыщ Iуэхугъуэхэр утыку кърихьащ.

КъБР-м и Iэтащхьэ КIуэкIуэ Казбек республикэм и Правительствэм хэтхэм яIущIащ. Ахэр тепсэлъыхьащ лъэпкъ проект­хэмрэ къэрал программэхэмрэ хагъэхьа ухуэныгъэ, зэгъэпэщыжыныгъэ лэжьыгъэхэр зэрекIуэкIым.

Москва къикIыу Кавказ Ищхъэрэм къакIуэ «Жемчужина Кавказа» мафIэгу зэгъэпэщар, «шэрхъ зы­щIэт хьэщIэщкIэ» зэджэр, Налшык къэсащ икIи хьэщIэхэм ди лъахэм зыщаплъыхьащ. Ахэр кърагъэблэгъащ университетым и къэфакIуэ гупым. Адыгэ макъамэ дахэмрэ фащэкIэ зэщыхуэпыкIа щIалэгъуалэмрэ щалъа­гъум, иджы япэу ди щIыналъэм къэкIуа нэгъунэ, ­утыку къихьэну тегушхуащ.

Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым «Хэку зауэшхуэмрэ лъэпкъ тхыдэмрэ» зи фIэщыгъэ дунейпсо тхыгъэ зэпеуэ иджыблагъэ щекIуэкIащ.

Хэку зауэшхуэм ТекIуэныгъэ Иныр къызэрыщытхьар зэрыдгъэлъапIэм и щIыхькIэ, тхыдэдж, тхакIуэ, жылагъуэ лэжьакIуэ УФ-м и тхакIуэхэм и Журналистхэм я зэгухьэныгъэхэм хэт, КъБР-м щэнхабзэмкIэ щIыхь зиIэ и лэжьакIуэ Опрышкэ Олег ирагъэблэ­гъащ Кулиевым и уэрамым тет япэ модельнэ библиоте­кэм. Ар яIущIащ Про­мыш­ленность псынщIэмкIэ кол­леджым и студентхэм.