Олимп джэгухэм я чемпион Новиков Сергей и фэеплъ дунейпсо зэхьэзэхуэ универсальнэ зауэмкIэ (Унифайт) Мэзкуу областым и Домодедовэ къалэм иджыблагъэ щекIуэкIащ. Абы щызэпеуащ къэралым и щIыналъэхэм ящыщу 15-м я спортсмену 600-м нэблагъэ.

Урысей Федерацэм и щIыхьыр яIэту зэхьэзэхуэм хэтащ Къэбэрдей-Балъкъэрым и гъэсэну щIалэ I3 икIи ехъулIэныгъэ хъарзынэхэр зэIэрагъэхьащ. Псори зэхэту абыхэм медаль 11 къахьащ – дыщэу 6, дыжьыну 2, домбеякъыу 3.

Япэ увыпIэр зыубыдхэм хуагъэфащэ лъагапIэм дэкIуеяхэщ Терчыкъуэ Таукъан, Къущхьэ Астемыр, Жырыкъ Къантемыр, Къуэдзокъуэ Марат, Лъэкъущо Альберт сымэ. КIэбышэ Темырланрэ Лыджыдэ Залымрэ етIуанэ хъуащ. Бейтыгъуэн Алан, Нэгъуей Ратмир, КIэбышэ Елдар сымэ ещанэщ.

ЩIалэхэр зэхьэзэхуэм хуагъэхьэзыращ Бейтыгъуэн Руслан, Щомахуэ Казбек, Куэцэ Мурат, Къардэн Елдар сымэ.

АЛБЭРДЫКЪУЭ Iэмин.