КъБР-м и Музыкэ Къэрал театрым мэлыжьыхьым и 9-м къыщызэIуахащ «Iуащхьэма­хуэ и щыгу щагъэзащIэ къа­фэхэр» лъэпкъхэм зэдай Iуэ­рыIуатэ фестивалыр. 

Къэбэрдей-Балъкъэрым лэжьыгъэ IуэхукIэ къэкIуащ Осетие Ищхъэрэ - Алание Республикэм и Парламентым и лIыкIуэ гуп.

Къэбэрдей-Балъкъэр Республикэм и муниципальнэ щIыналъэхэм я советым хэтхэм я зи чэзу зэIущIэр ды­гъуасэ КъБР-м и Правитель­ствэм и Унэм щрагъэкIуэкIащ.

КъБКъУ-м Дунейпсо егъэ­джэныгъэмкIэ и школ нэхъыщхьэм щекIуэкIащ Тыркуменистаным и щэнхабзэм и махуэ. Абы къы­щызэхуэсахэр щагъэгъуэзащ а къэралыгъуэжьым ­   и тхыдэм, а хэкум и дуней ­телъыджэм хашащ, абы и хабзэхэр, макъамэр, къа­фэр, лъэпкъ шхыныгъуэ­хэр ирагъэцIыхуащ.

Темыркъан Юрэ и цIэр зезыхьэ Къэрал концерт гъэлъэгъуапIэм иджы­благъэ пшыхь гукъинэж ще­кIуэкIащ. Ар теухуауэ щытащ 2026 гъэр Урысейм и лъэпкъхэм я зэкъуэты­ныгъэм и илъэсу зэрагъэувам.

КъБР-м и Лъэпкъ музейм що­-кIуэкI «Уэшхым и цIыху» урысей­- псо фестивалым хыхьэу къызэ-рагъэпэща гъэлъэгъуэныгъэр. Ар ирагъэхьэлIащ аутизм узыфэм и Iуэ­ху зэIумыбзым и хъыбарыр хэIущIыIу щIынымкIэ дунейпсо ма-хуэм.

КъБР-м и Iэтащхьэ КIуэкIуэ Казбек видеоконференц IэмалкIэ хэтащ ­УФ-м Ухуэныгъэмрэ псэупIэ-коммунальнэ хозяйствэмкIэ и министерст­вэм­рэ Урысей Федерацэм «ГъащIэм папщIэ инфраструктурэ» унэ­тIыны­гъэмкIэ и Къэрал Советым и комиссэмрэ зэгъусэу ирагъэ­кIуэкIа зэIущIэм. 

Республикэм и къалэ, щIы­­налъэ администрацэ­-хэм я унафэщIхэр зыхэта зэ­IущIэ иригъэкIуэкIащ ­КъБР-м и Iэтащхьэ КIуэкIуэ Казбек.

2026 гъэм мэлыжьыхьым и 9-м и ныбжьыр илъэс 70 ирокъу Къэбэрдей-Балъкъэр Республикэм и прокуратурэм илъэс куэдкIэ щылэжьа, юстицэм и чэнджэщэгъу нэхъыжь Мэсей Аскэр Хьэжмусэ и къуэм. Абы къызэринэкIа гъуэгуа­нэр Хабзэм псэемыблэжу хуэлэжьэным, цIыхум хэ­лъыфынкIэ хъуну жэуап­лыныгъэм, IэщIагъэм хуэ­пэ­жыным я щапхъэщ.

ДзюдомкIэ Европэм и чемпионату мы гъэм мэлы­жьыхьым и 16 - 19-хэм Гру­зием и къалащхьэ Тбилиси щекIуэкIынум зыхуагъэ­хьэ­зыру Урысей Федерацэм и командэ нэхъыщхьэр мы махуэхэм щыIэщ Къэбэрдей-Балъкъэрым и Кэнжэ къуа­жэм дэт «Пять колец» спорт академием. Мыбы кърихьэлIащ ди къэралым и бэнакIуэ нэхъ лъэщ дыдэ цIыхухъухэри цIыхубзхэри.