Накъыгъэм и 4-8-хэм Къэбэрдей-Балъкъэрым щекIуэкI Урысей-Абхъаз щIалэгъуалэ форумыр Налшык къалэм къыщызэIуахащ. Ар КъБР-м и Правительствэмрэ Абхъаз Республикэм ЩIалэгъуалэм я Iуэхухэмрэ спортымкIэ и къэрал комитетымрэ къызэрагъэпэщащ, УФ-м ЩIалэгъуалэм я IуэхухэмкIэ и федеральнэ агентствэмрэ Урысеймрэ Абхъазымрэ нэгъуэщI къэрал IуэхухэмкIэ я министерствэхэмрэ я дэIэпыкъуэгъуу. 

КъБР-м и Музыкэ къэрал театрым мэлыжьыхьым и 30-м концерт гукъинэж щитащ Шэджэм щIыналъэм хыхьэ Нартан къуажэм цIыхубэ къафэхэмкIэ щапхъэу къалъыта, 2014 гъэм щыщIэдзауэ 2025 гъэ пщIондэ  Кавказ къафэхэм-кIэ Урысейм и чемпион, Гран-при саугъэтыр зыхуагъэфэща «Вагъуэ цIыкIу­хэр» сабий ансамблым (художественнэ уна­фэщIыр КъБР-м гъуазджэхэм-кIэ щIыхь зиIэ и лэжьакIуэ Къурашэ Эдуардщ).

«Артек» дунейпсо сабий зыгъэп­сэ­ху­пIэр илъэсищэм щIигъуауэ мэлажьэ ­ныбжьыщIэхэм я узыншагъэр ирагъэ­фIэкIуэным, я нэгу зрагъэужьыным тещIыхьауэ. Сабиигъуэм, гуапагъэм, ныбжьэгъугъэм я лъахэ хъуащ ар. 

Къэбэрдей-Балъкъэр Республикэм и Лъэпкъ музейм къыщызэIуахащ Щэнхабзэ жэрдэмхэмкIэ Президентым и фондым и грант къэзыхьа, «Адыгская гармошка. Голос и судьбы» зи фIэщыгъэ Iуэху дахэм хыхьэ гъэлъэгъуэныгъэ гъэщIэгъуэн. Абы и лъабжьэр Шэпар Алан зэхуихьэсауэ ихъумэ пшынэхэращ.

КъБР-м и Парламентым и УнафэщI Егоровэ Татьянэ хабзэубзыху IуэхущIапIэм и Президиумым и зи чэзу зэIущIэр иджыблагъэ иригъэкIуэкIащ. Абы щы­хэплъащ Iуэху тIощIым щIигъум.

Къэзан къалэм, «Адымнар - щIэныгъэмрэ зэгурыIуэныгъэмрэ я гъуэгу» зы­фIаща, бзэхэр щадж IуэхущIапIэм ще­кIуэ­кIащ анэ­дэлъхубзэм и мыхьэнэм теухуа ­дунейпсо щIэнIуатэ (конференц). Iуэхур къызэрагъэпэщащ Урысей Федерацэм Лъэпкъы­бзэхэмкIэ и институтымрэ Тэ­тэр­станым ЩIэныгъэмкIэ и министерствэмрэ. Ар яди­Iыгъащ Урысейм ЕгъэджэныгъэмкIэ и министерствэм.

КъБР-м и япэ Президент КIуэкIуэ Валерэ и цIэр зезыхьэ къэрал мэкъумэш университетым и егъэджэныгъэ-лабораторэ корпусым нэгъабэ щрагъэжьа къэгъэщIэрэщIэжыныгъэ лэжьыгъэхэм мы гъэми пащащ. Ахэр ирагъэкIуэкI «ЕрыскъыпхъэмкIэ шынагъуэншагъэр къызэгъэпэщыным хуэгъэпса технологиехэр» лъэпкъ пэхуэщIэм хыхьэ «АПК-м IэщIагъэлIхэр хуэгъэхьэзырын» щIыналъэ пэхуэщIэм ипкъ иткIэ.

Безыр Ленэ къызэригъэпэщауэ Лъэпкъ библиотекэм лъахэхутэмкIэ и къудамэм щекIуэкIащ бзэщIэ­ныгъэлI, тхакIуэ, усакIуэ, узэ­щIа­кIуэ Елбэд Хьэсэн къызэралъхурэ мы гъэм илъэси 140-рэ зэрыри­къум ху­хаха литературэ пшыхь. Ди республикэм егъэджэныгъэм теухуауэ куэд щы­зылэжьа щIэныгъэлIыр тIэунейрэ ­хахауэ щытащ Совет Нэхъыщхьэм и депутату.

Къэбэрдей-Балъкъэрым и Парламентым щекIуэкIащ Экономикэ политикэмкIэ, зыу­жьыныгъэмкIэ, туризмэмрэ хьэрычэт IуэхумкIэ комитетым и зэIущIэ. Зытепсэлъыхьар «КъБР-м и къэрал мылъкур зехьэным и IуэхукIэ» республикэ законыр къызэрагъэсэбэп щIыкIэрщ.

«Кавказ дерби» фIэщыгъэр зэрихьэу шыкIэ гъуэгуанэ кIыхьхэр зэпычы­нымкIэ урысейпсо зэхьэзэхуэ щекIуэ­кIащ Бахъсэн къалэм и «Джэдыкъуэ Плъыжь» спорт комплексым. Абы щызэпеуащ ди къэралым и щIыналъэхэм ящыщу 16-м я шууейуэ 122-рэ. Ап­хуэдэуи, УФ-м и тхыдэм щыяпэу кило­метри 100 зи кIыхьагъ гъуэгуанэр нэхъ псынщIэу зэпычынымкIэ екIуэкIа зэ­хьэзэхуэм зэуэ хэтащ шууей 38-рэ.