Урысей ФСИН-м и управленэу КъБР-м щыIэм ще­кIуэкIащ Уголовнэ-гъэзэщIакIуэ IэнатIэм и ветеранхэм я махуэм хуэгъэпса Iуэхухэр. 

Налшык къалэм и «Гладиатор» спорт комплексым махуищкIэ щекIуэкIащ бэнэкIэ хуитымкIэ урысейпсо зэ­хьэ­зэхуэ.
Ар и фэеплъу щытащ балъкъэрхэм я литературэм и лъабжьэр зыгъэтIылъа, узэ­щIа­кIуэ Мечиев Кязим. Зэпеуэм хэтащ ди къэралым и щIыналъэхэм ящыщу 30-м я бэнакIуэ 500-м нэблагъэ, я ныбжькIэ илъэс 16-м щIимыгъуауэ. 

КъБР-м и Парламентым щэкIуэгъуэм и 18-м щедэIуащ «Къэбэрдей-Балъкъэр Республикэм и бюджетыр 2026, 2027, 2028 гъэхэм тещIыхьауэ» проектым. 

КъБР-м и Iэтащхьэ КIуэкIуэ Казбек лэ­жьыгъэ IуэхукIэ хуэзащ ФIэкIыпIэншэ медицинэ страхованэмкIэ щIыпIэ фондым и унафэщI Бгъэжьнокъуэ Зурият. 

Къэбэрдей-Балъкъэрым и къэралыгъуэр илъэси 100 зэ­рырикъум и щIыхькIэ къызэIуаха «Сквер 100-летия» зыгъэпсэхупIэм гъуазджэмкIэ галерее хэтым щокIуэкI «ГъащIэм и бэуэкIэр» гъэлъэгъуэныгъэр. Налшык япэу утыку къыщрахьащ шэшэн сурэтыщI Яхиханов Рустам и IэдакъэщIэкIхэр. 

Къэралым гулъытэ хэха зыхуищI хъуа псэкупсэ лъапIэныгъэхэм ятеухуа зэIущIэхэр щIыналъэхэм щIэх-щIэхыурэ къыщызэрагъэпэщ, нэхъыжьхэмрэ щIалэгъуалэмрэ зэрашалIэурэ лъэныкъуитIри зыгъэпIейтей Iуэхугъуэхэм щрипсалъэ зэхуэсхэр ирагъэкIуэкI. Абы и IуэхукIэ Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым лэжьыгъэ щхьэпэ ирегъэкIуэкI.

КъБР-м и Парламентым и Президиумым и зэIущIэм «Правительствэм хухах сыхьэтым» хыхьэу щытепсэлъыхьащ Къэбэрдей-Балъкъэрым и мэ­къу­мэш IэнатIэм 2025 гъэм щызэфIагъэкIамрэ нэхъыщхьэу гу зылъытапхъэхэмрэ.

«Гранд-Кавказ» хьэщIэщым щагъэлъагъуэ «На память» зи фIэщыгъэ, Къэрал Эрмитажым и щIэныгъэ лабораторэм и художник-реставратор ПIаз Елизаветэ и IэдакъэщIэкIхэр.

«Си бзэ - си псэ, си дуней» республикэпсо фес­тиваль-зэ­пеуэм къы­пызы­щэ зэIущIэр щекIуэкIыр Аруан куейм хы­-хьэ Псы­набэ къуажэрат. Зэхьэ­зэ­хуэм и къэпщытакIуэ гу­пым­рэ ирагъэблэгъа хьэ­щIэ лъапIэхэмрэ жылэ дэлъэдапIэм деж къащы­IущIащ адыгэ фащэкIэ зэ­щыхуэпыкIа шууейхэмрэ пшынауэ бэрэбэнауэ­хэр зэрыс шыгу зэщIэщIамрэ.

УФ-м къэрал кIуэцI Iуэху­хэм­кIэ и министерствэм ­Тран­­с­пор­тымкIэ и управленэу КИФЩI-м щыIэм и унафэщI, полицэм и генерал-майор Шмет­ков Виктор КъБР-м и Iэтащхьэ КIуэкIуэ Казбек лэжьыгъэ IуэхукIэ ­хуэзащ.