КъБР-м и Iэтащхьэ КIуэкIуэ Казбек хэтащ «ЩIэныпхъэ­хэр зи куэд Iуащхьэмахуэ» япэ ЩIыналъэзэхуаку зэ­хуэ­сышхуэм. ЩIалэгъуалэм я унэу Налшык дэтым ще­кIуэкIа а зэхыхьэм цIыху 700-м щIигъу кърихьэлIащ - дизайнерхэр, сурэтыщIхэр, музыкантхэр, лъэпкъ Iэ­щIа­гъэхэм хуэIэкIуэлъакIуэхэр, шхапIэхэр зыгъэлажьэхэр, блогерхэр, хьэрычэтыщIэхэр, щIыналъэ, къэрал къэп­щытакIуэхэр.

Дагъыстэным и къалащхьэ Мэхъэчкъалэ Джафаров Магомед и цIэр зезыхьэ и спорт еджапIэм накъыгъэм и I3-м щекIуэкIащ ныбжьыщIэхэм дзюдомкIэ я ещанэ щIыналъэ зэхьэзэхуэ. 

Илъэси 162-рэ ипэкIэ адыгэхэр я Хэкум иIэпхъу-кIын хуей хъуами, лIэщIы­гъуэм щIигъукIэ Кавказ ­ з­ауэм уардэу хэта лъэпкъыр абы ­ирищIыкIакъым, гу­гъуехь псори и фэм дигъэ­хуащ. Тхыдэм къызэрыджиIэщи, Тыркум яшэну цIыху минхэр хы ФIыцIэ Iуфэм Iутт, я къэкIуэнур ямыщIэу. Ауэ ­нэхъ лъапIэ дыдэу абыхэм яIыгъыр сытыт жыпIэмэ, ар я къуажэжь къыщащта щIы IэмыщIэрат… 

Мэлбахъуэ Тимборэ и цIэр зезыхьэ Лъэпкъ къэрал библиотекэм и лъахэхутэ ­къудамэм щекIуэкIащ «Си щIыналъэм и блэкIар: Кавказ зауэм и тхыдэм щыщ» зэ­IущIэр, адыгэхэм я Щыгъуэ махуэм трау­хуар. Нэхъ пыухыкIауэ жыпIэмэ, зытеп­сэ­лъыхьар лъэпкъыр зыпхыкIа гузэвэгъуэр Кавказым щыщ тхакIуэхэм я Iэдакъэ­щIэкIхэм къызэрыхэщырщ.

Накъыгъэм и 21-м цIыхухэр Налшык гъущI гъуэгу вокзалым деж къыщежьэри, Лениным и цIэр зезыхьэ уэрамым кърикIуащ, бзылъхугъэхэм гъыбзэхэр жаIэу, цIыхухъухэм уэрэ­дыжь­хэр къыхадзэурэ.

Къэбэрдей-Балъкъэр Республикэм щыIэ МВД-м и тхыдэ музейм зыща­плъыхьащ Май районым щыщ школакIуэхэм, апхуэдэуи МВД-м и лэжьакIуэхэу нэгъуэщI щIыналъэхэм къикIыу Налшык къалэ зыщагъэ­псэхуну къэкIуа­хэм. 

Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым дизайнымкIэ и колледжым «Щэнхабзэ лъапIэныгъэхэр зэгъэпэщыжын» программэр зыгъэзащIэхэм я къэрал гъэунэхуныгъэхэр иджыблагъэ зэфIэкIащ. Япэ лъэбакъуэхэр зыча ныбжьыщIэхэм зрагъэгъуэта щIэныгъэмрэ есэныгъэхэмрэ зыхуэдизыр къапщытащ, абы ущыфIэкIыжым, зыпэрыувэну IэнатIэм теухуауэ практикэ лэжьыгъэ зыбжани ягъэзэщIащ.

Мыдэ-щэ толъкъун щэджащэу адыгэгур, адыгэп­сэр къыщыукъубейрэ, ап­хуэдэ къабзэу, псэхугъуэ зди­гъуэтыж, а щытыкIитIри щыппкърыкI зы щIыпIэ гуэр щыIэххэмэ, апхуэдэщ Али-Бэрдыкъуэ къуажапщэр зи хэщIапIэ, Кавказ зауэжьыр емынэ узрэ мыкIыжын уIэгъэу къызытена лъэпкъым и фэеплъ щIыпIэр.  

Дыгъуасэ Дунейпсо Адыгэ Хасэм и IуэхущIапIэм щекIуэкIащ Адыгэхэм я щыгъуэ-щIэж махуэм теу­хуа «стIол хъурей». Абы тхыдэджхэр, этнографхэр, жы­лагъуэ, дин лэжьа­кIуэ­х­эр, гъуазджэм, щэнхабзэм я IэнатIэхэм пэрытхэр,­ хамэ къэралхэм щыпсэу адыгэхэм я лIыкIуэхэр, егъэ­джакIуэхэр, щIалэ­гъуа­лэр щытепсэлъыхьащ адыгэ лъэпкъым къикIуа гъуэ­гуанэ гугъум, тхыдэ на­пэкIуэцIым хэта гуауэ­хэм.

ПащIэ Бэчмырзэ и музей Нартан къуажэм дэтым зэхыхьэ дахэ накъыгъэм и 16-м щекIуэкIащ. Ар Музейхэм я махуэм, хабзэ зэрыхъуауэ, гъэ къэс ирагъэхьэлIэ.
Адыгэ литературэм и лъабжьэр зыгъэтIылъа, губзыгъэу, жьэнахуэу, усакIуэу дунейм тета лIы Iущыр ягу къагъэкIыжащ, абы и IуэхущIафэхэм ящыщхэм тепсэлъыхьащ къызэхуэсахэр.