Гъунэгъу ресублэкэм псыдзэм щызэхикъута и щIыпIэхэм щыпсэухэм ядэIэпыкъу­хэм ящыщщ Къэбэрдей-Балъкъэрыр. Ди хабзэубзыху IуэхущIапIэри лъэныкъуэкIэ къыщынакъым къуэш лъэп­къым защIэгъэкъуэным теухуауэ.

Музыкэ къэрал театрым мэ­лы­жьыхьым и 12-м ще­кIуэ­кIащ  Къэбэрдей-Балъкъэрым и цIыхубэ артист, ком­пози­тор, музыкант, шансон макъамэм хуэ­Iэзэу щыта Амирамов Ефрем къы­зэралъ­хурэ илъэс 70 зэрырикъуам теухуа фэеплъ пшыхь. Ар къызэригъэпэщащ КъБР-м Щэн­хабзэмкIэ и министерствэм.

Театрым, кином, щэнхабзэм зэрыщыту хухэха махуэхэм журналистхэр ди гуа­пэу датотхыхь а IэнатIэм пэрытхэм, цIыху гъащIэр, къэ­ралыр, псэукIэр нэхъ зыгъэбжьыфIэ, зыгъэдахэ цIыху цIэрыIуэхэм. МафIэм пэгъунэгъу лыр ма­жьэ жыхуиIэращи, а псор уи лъэпкъым щехьэлIам деж Iуэхум хэлъ дахэри, фаджэри, Iейри, фIыри ­нэхъ зыхыбощIэ, нэхъ ­куууэ зэпкърыпхыху Iэ- мал нэхъыбэ къыкъуэ­кIы­ным ущыгугъыу.

КъБКъУ-м Жылагъуэ жэрдэмхэмкIэ и пэшым иджыблагъэ щекIуэкIащ ­«Хабзэ хъуа псэкупсэ-щэнгъасэ лъапIэныгъэ­хэр: сыт дызэкъуэзыгъэувэр?» зэп­сэ­лъэныгъэр. Абы къыщыпсэлъащ Урыс тхыдэмрэ щэнхабзэмкIэ «Вече» ­зэгу­хьэныгъэм и унафэщI Литвинов ­Роман. Ар студентхэм яхутепсэлъыхьащ Урысейм и лъэпкъ политикэм псэкупсэ гъуазэхэм, щэнхабзэм, хабзэхэм мы­хьэ­нэшхуэ зэрыщаIэм.

КъБР-м и Парламентым и депутатхэр иджыблагъэ студентхэм яIущIащ. «Гъунапкъэншэ зэпсэлъэныгъэ» зыфIаща зэхыхьэм лъабжьэ хуэхъуар парламентархэмрэ студентхэмрэ зэIухауэ зэп­сэ­лъэнырщ, щIалэгъуалэр республикэм, къэ­ралым щекIуэкI Iуэхухэм нэхъ жыджэру хэтыным тегъэгушхуэнырщ, щIыналъэм и зыужьыныгъэм ехьэлIа Iуэхухэм щыгъэ­гъуэзэнырщ.

Кулиев Къайсын и цIэр зезыхьэ Балъкъэр къэрал драмэ театрым щекIуэкIащ Урысей Федерацэм и Театр лэжьакIуэхэм я зэгухьэныгъэхэр (СТД) илъэси 150-рэ, абы и Къэбэрдей-Балъкъэр щIыналъэ къудамэр илъэс 85-рэ мы гъэм зэрырикъум теухуа гуфIэгъуэ пшыхь.

Апхуэдэ фIэщыгъэ зиIэ узэщIакIуэ, егъэджэныгъэ пэхуэщIэ купщIафIэ илъэс зыбжанэ лъандэрэ щрагъэкIуэкI ди къэралым.  «Вагъуэ» къэралпсо зэгухьэныгъэм къы­зэригъэпэщ, УФ-м Лъэпкъ Iуэху­хэмкIэ и федеральнэ IэнатIэмрэ Урысейм и Лъэпкъхэм я унэмрэ, апхуэдэуи УФ-м ЕгъэджэныгъэмкIэ и министерствэм и IэщIагъэлIхэм даIыгъ а проектым и къалэн нэхъыщхьэр щIалэгъуалэмрэ ныбжьыщIэ­хэмрэ я псэкупсэ гупсысэм

КъБР-м узыншагъэр хъумэнымкIэ и министр Къалэбатэ Рустам Налшык дэт къалэ поликлиникэ №1-м щахуэзащ «Къэбэрдей-Балъкъэр Республикэм и ЛIы­хъужьхэр» программэм хэтхэм. Программэм ипкъ иткIэ унэтIыныгъэ щхьэхуэхэм хуэунэтIауэ егъэджэныгъэ дерсхэр къызэрагъэпэщ.

Къэбэрдей-Балъкъэрым лэжьыгъэ IуэхукIэ къэкIуа­уэ щыIэщ Осетие Ищхъэрэ-Алание Республикэм и Парламентым и лIыкIуэхэр.

2026 гъэм мазаем и 1-м щегъэжьауэ Урысейм щагъэлъагъуэ ВГТРК-м (Россия-1) и ­журналист Медведев Андрей къыдигъэкIа «Предательство» документальнэ фильмыр. Ар топсэлъыхь терро­ризм, экстремизм IуэхухэмкIэ ягъэтIыса-хэм, зи Хэку епцIыжахэм. Мы зэманым тезырыр зып­шынхэм езыхэм къаIуэтэж я гъащIэр къызэрекIуэкIар.