Биз жашагъан Россей кёп миллетли къыралды. Хар бир миллет аны къайтарылмаз маданияты, тарыхы, адет-тёрелери эмда ана тили бла уллу къыралыбызны бай этеди.

КъМР-ни Владимир Вороков атлы Маданият фондунда Россейни халкъларыны тиллерини кюнюню аллында «Ана тилим, жаным-тиним!» деген тюбешиу къуралгъанды. 

Бу кюнледе «Экология болум» миллет проектни чеклеринде «Россейни суулары» деген акция бардырылгъанды. Ол черекни жагъаларын кир-кипчикден, къалгъан-къулгъанладан, чырпыладан тазалар мурат бла къуралгъанды.

Къабарты-Малкъарны полициячылары Терроризмге къажау кюрешни кюнюне атап, республиканы школларында тийишли тюбешиуле бардыргъандыла, деп билдиргендиле КъМР-де МВД-ны пресс-службасындан.

КъМР-де Ич ишле министерствода кеслерини ыразылыкълары бла къуралгъан халкъ дружинаны жангы къаууму эсепге салыннганы бла байламлы къууанчлы жыйылыу болгъанды. Право низамны сакълаучу биригиулени тизгинлерине Прохладна райондан 8 дружинник къошулгъандыла.

Республиканы промышленность бёлюмю айный барады, баш борчла уа инвестицияланы кёбейтиу эмда предприятияланы техника жаны бла онгларын жангыртыуду. Аны юсюнден КъМР-ни Башчысы Казбек Коков регионнга оноу этиу араны таматасы бла кезиулю ушагъында айтханды.

Беш жыл тарыхха бек аз заманды. Алай 1921-1926 жылланы кезиую уа жамауатны жашауунда терен тюрлениулери бла бизни республикагъа кёп жаны бла магъаналы болгъандыла. Регион къарангылыкъдан жарыкъландырыугъа, эл мюлкде сабан агъачдан механизациягъа уллу атлам этгенди.

КъМР-ни Башчысы Казбек Коков бла Къырал Думаны депутатлары Геккиланы Заур эмда Виктория Родина, КъМР-ни Правительствосуну Председатели Мусукланы Алий Элбрус районну жамауаты бла Тырныауузда тюбешгендиле. Ала муниципалитетни социал-экономика жаны бла магъаналы сорууларын сюзгендиле.

Къабарты-Малкъар Республиканы прокуратурасыны ветеран совети бу кюнледе 33-жыллыгъын белгилейди.

Терроризмге къажау кюрешни кюнюне аталып ючюнчю сентябрьде Быллымны Маданият юйюнде «Огъурлулукъ ючюн зорлукъгъа къажау сюелирге» деген акция бардырылгъанды. Ол кезиуде бу ишге къатышханла, терроризмни кезиуюнде ёлгенлени эсгерип, бир такъыйкъаны шош сюелгендиле.