Урысей Федерацэм и ипщэ лъэныкъуэмкIэ щыпсэу лъэпкъхэм щэнхабзэмрэ спортымкIэ я зэхыхьэ ин Грознэ къалэм иджыблагъэ щекIуэкIащ, щэнхабзэмрэ спортымкIэ гупжьейхэу Урысейм и щIыналъэ 16-м къикIахэр хэту. 

УФ-м и МВД-м Къэбэрдей-Балъкъэрым щиIэ къудамэм и Управленэм и лэжьакIуэхэр яIущIащ ГъуазджэхэмкIэ Кавказ-Ищхъэрэ институтым щеджэхэм. Хабзэхъумэхэр тепсэлъыхьащ афияныр узыншагъэм зэран зэрыхуэхъумрэ цIыхум и гъащIэр зэрызэтрикъутэмрэ. 

Хъыбар зэрывэдгъэщIащи, махуэку кIуам Налшык къалэм щекIуэкIащ Дунейпсо Адыгэ Хасэм и XV Конгрессыр.

КъБР-м и Лъэпкъ музейм жэпуэ­гъуэм и 13 пщIондэ щылэжьэнущ «Кавказым ис лъэпкъхэм я фащэхэр. Зэманымрэ лъэпкъхэмрэ я зэ­пы­щIэныгъэ» зыфIаща гъэлъэгъуэныгъэр.

Китайм иджыблагъэ щекIуэкIащ Гонконгым ушумкIэ и 19-нэ дунейпсо зэхьэзэхуэ. Абы хэтащ къэрал ­25-м я спортсмен 4000-м нэблагъэ. Урысей Федерацэм и щIыхьыр иIэту зэхьэзэхуэм щыIащ Къэбэрдей-­Балъкъэрым и гъэсэн Карасовэ Лаурэ икIи ехъулIэ­ныгъэфI дыдэхэр щызыIэригъэхьащ.

Шэрэдж щIыналъэм и Аушыджэр къуажэм цIыхухэр куэду щызэхуэс и щIыпIэр зэIузэпэщ ящIащ. Лэжьыгъэхэр зэфIагъэкIащ «ПсэупIэмрэ къалэ щыIэкIэмрэ» лъэпкъ пэхуэщIэм ипкъ иткIэ.

Тэрч къалэм щаухуэ ныбжьыщIэ 800 зыщIэхуэ курыт еджапIэ. Къатищу зэтетыну школым ирагъэубыдащ метр зэбгъу­зэнатIэу мин 14-м щIигъу икIи ар IыхьиплIу гуэшауэ щытынущ. Зыр пэщIэдзэ класс­хэм хухахынущ, адрейм 5 - 11-нэ классхэм щеджэхэр щIэсынущ, ещанэр спортымкIэ дерсхэм иратынущ, еплIанэр школ Iэмэ­псымэхэр, нэгъуэщI зыхуеинухэр щIалъ­хьэу къагъэсэбэпынущ.

Кавказ Ищхъэрэм Къэрал статистикэмкIэ и управленэм иджыблагъэ къызэритамкIэ, 2024 гъэм и щIышылэ - бадзэуэгъуэхэм Къэбэрдей-Балъкъэрым и ерыскъыпхъэ промышленностым сом меларди 7,8-рэ и уасэ яхуригъэшащ и продукцэм  къыщIэупщIахэм. Ар проценти 121,5-кIэ нэхъыбэщ нэгъабэ и апхуэдэ пIалъэм къриубыдэу яхузэфIэкIахэм нэхърэ.

 «Налшык уэрдыхъу гъуэгу» зыфIащам и проектыр зэхэгъэувэным инженерхэр иужь ихьащ.  

Къэбэрдей-Балъкъэрым машинэ зекIуапIэхэм зыщегъэубгъуным теухуауэ республикэм къыщрахьэжьа Iуэхугъуэ нэхъ ин дыдэхэм ящыщу къалъытэ Налшык къалэ лъэныкъуэ псомкIи къыпэзыжыхь «уэрдыхъу гъуэгум» и проектым елэжьын зэрыщIадзар.

XIX лIэщIыгъуэм и япэ Iыхьэм урысыдзэм къулыкъу щызыщIа адыгэ (абазэ) щIалэ Къаз-Джэрий (щыпсэуар 1807 - 1863 гъэхэрщ) и тхыгъитI – «ХьэжытIэгъуей аузымрэ» «Къэжэр таурыхъымрэ» Пушкин Александр къыдигъэкI «Современник» журналым къытрадзат. Кавказым щыщ щIалэщIэм къызыкъуиха зэфIэкIыр фIэтелъыджэу, усакIуэшхуэр абы щытхъуат.