КъБР-м и Iэтащхьэ КIуэкIуэ Казбек Нар­котикхэм япэщIэтынымкIэ респуб­ликэм  и комиссэм и зэIущIэ иригъэ­кIуэкIащ. 

КъБР-м щыIэ МВД-м щекIуэкIащ Урысейм и лъэпкъхэм я зэкъуэтыныгъэм и илъэсым теухуа хэкупсэ зэIущIэ.
 

Псынэдахэ и «Родник»-м­рэ Алътуд и «Искра»-мрэ Урысей Федерацэм и Кавказ Ищхъэрэ, Ипщэ щIы­налъ­э­хэм футболымкIэ ещанэ ди­визионым щра­гъэ­кIуэкI зэ­хьэ­зэхуэм зи чэзу текIуэныгъэхэр къыщахьри, турнир таблицэм я пашэныгъэр щагъэбыдащ. Абыхэм нэхъри къа­кIэрыху хъуащ очкоитI и стадионым щызыгъэкIуэда «Став­роаоль­Агро­Сою­з»­-р. 

Ди къуэш лъэпкъхэр щыпсэу Абхъа­зымрэ Осетие Ипщэмрэ дыгъуасэ щагъэ­лъэ­пIащ тхыдэ мыхьэнэшхуэ зиIэ махуэ­щIыр – илъэс 18 ипэкIэ Урысейм къилъытащ ахэр республикэ щхьэхуиту зэрыщытыр. Апхуэдэ щIыкIэкIэ Урысейм диIыгъащ ахэр зи щхьэ хущытыж къэралыгъуэу щыIэ­нымкIэ яIэ  ­хуитыныгъэр.

ШыщхьэуIум и 8-м къы­щыщIэдзауэ 22 пщIондэ епщыкIубланэу екIуэкIащ «Мэ­шыкъуэ» урысейпсо щIа­лэгъуалэ зэхыхьэр. Абы мы гъэм зэхуишэсат цIыху 2200-рэ - егъэджакIуэ, гъэсакIуэ ныбжьыщIэхэр, «Пэ­рытхэм я зэщIэхъееныгъэм» хэтхэр (зи ныбжьыр илъэс 14-м щегъэжьауэ ­35-м нэс­хэр).

Ди республикэм и Iэтащхьэ КIуэкIуэ Казбек лэ­жьы­гъэ IуэхукIэ хуэзащ ­УФ-м ЩIалэгъуалэм я Iуэху­хэмкIэ и федеральнэ агентствэм и унафэщI Гуров Григорий. Ахэр тепсэлъыхьащ щIалэгъуалэ политикэр Къэбэрдей-Балъкъэрым гъэ­зэ­щIа зэрыщыхъум. 

Къэбэрдей-Балъкъэрым Iэтауэ щагъэлъэпIащ Урысейм и Къэрал ныпым и ма­хуэр. ЩIалэгъуалэм я унэм и гупэм деж къыщызэхуэсат къэралым и дамыгъэ нэхъыщхьэр зэрызэхэлъ плъыфищым задезыгъэкIу шэрыб хужьхэр, щIыхухэр, плъыжьхэр зыгъэбыб сабийхэмрэ ныбжьыщIэхэмрэ. 

«Щхьэл» шхапIэм щагъэлъагъуэ Москва щы­лажьэ архитектор-дизайнер, художник, къызэгъэ­пэщакIуэ Дурневэ Дарье зэхуихьэсыжа «ХэдыкI» лэ­жьыгъэхэр. 

Къэбэрдей-Балъкъэр къэрал универ­ситетым и Социально-гуманитар институтым ИнджылызыбзэмкIэ и кафедрэм ассистенту щолажьэ Бозий (Тхьэкъуа­хъуэ) Каринэ. Иджыблагъэ абы ехъу­лIэныгъэкIэ пхигъэкIащ и кандидат диссертацэр. Ар елэжьащ Натхъуэ Къадыр художествэ и лъэныкъуэкIэ игъэшэрыуэ бзэхэмрэ зыхэпсэукIа щэнхабзэхэмрэ я куэдагъыр къыщыгъэлъэгъуа Iэдакъэ­щIэкIым.

СССР-м дзюдомкIэ и командэ къыхэхам и япэ тренеру щыта Андреев Владлен и фэеплъу урысейпсо зэхьэзэхуэ ще­кIуэкIащ Мэзкуу къалэм и «Самбо 70» спорт центрым. Абы кърихьэлIащ ди къэралым и щIыналъэхэм ящыщу 35-м я бэнакIуэу, щIалэхэри хъыджэбзхэри зэ­хэту, 291-рэ.