КъМР-ни Парламентини кезиулю пленар жыйылыуунда депутатла жарашдырыучу судьяланы юслеринден законнга тюзетиулени къабыл кёргендиле, сабийлени эркинликлерине гарантияланы сюзгендиле эмда бюджет къалай толтурулгъанына къарагъандыла.

Быйыл Къабарты-Малкъарда «АПК-ны продукциясыны экспорту» деген проектни чеклеринде мадар этиуге былтырдан эсе юч кереге аслам ахча къоратыллыкъды. Аны юсюнден республиканы Эл мюлк министерствосундан билдиргендиле. Субсидия къоллу болургъа умут этгенледен документлени алыу да башланнганды.

«Билим бериу» миллет проектни чеклеринде саулай къыралны эллеринде «Точка роста» деген арала къуралгъандыла. Ала, мектеплени башха кабинетлеринден дизайнлары бла айырмалы болгъанларындан сора да, гуманитар эм цифралы профильлеге сейирлери болгъан жаш адамлагъа кеслерин ачыкълар онгла берликдиле.

28-29 сентябрьде Москвада бла Минскде Федерация Советни эм Беларусьну Миллет Жыйылыууну Республикалы Советини башчылыкъларында Беларусьну бла Россейни регионларыны жетинчи форуму бардырылады. Аны ишине Къабарты-Малкъар Республиканы Башчысы Казбек Коков да къатышханды.

КъМР-ни Парламентини спикери Татьяна Егорованы башчылыгъында законла чыгъарыучу органны президиумуну кезиулю жыйылыуу болгъанды. Анда «правительстволу сагъатны» чеклеринде «КъМР-де физкультураны эм спортну айнытыу» къырал программа къалай толтурулгъаны сюзюлгенди.

Х.М. Бербеков атлы Къабарты-Малкъар къырал университетни мурдорунда «Эрмитаж – Кавказ» маданият-билим бериу ара ачаргъа келишимге 16 сентябрьде Сурат эм къол усталыкъланы «Къырал Эрмитаж» музейини таматасы Михаил Пиотровский бла КъМКъУ-ну ректору Юрий Альтудов къол салгъандыла.

«Россети Шимал Кавказ» компания быйыл Къабарты-Малкъарда агропромышленность комплексде 81 объектге битеу да 6,5 МВт электрокюч жиберип башлагъанды. Аны республикада бёлюмюнден билдиргенлерича, объектлени эм уллулары – терк айныгъан алма бахчаладыла.

Къабарты-Малкъарны экономиканы айнытыу министри Рахайланы Борис «Огъары Чирик кёлле» туризм комплексни къурау» проект къалай бардырылгъаны бла шагъырейленнгенди. Министерстводан билдиргенлерича, анга кёре ол кёллени къатында туркомплекс боллукъду. Ол битсе, анда 29 адам ишлерикди.

«Единая Россия» политика партияны КъМР-де жамауат приёмныйинде инсанла бла эки темагъа тюбешиуле бардырылгъандыла. Биринчиден, соруулары болгъанлагъа хакъсыз юридический болушлукъ берилгенди. Экинчиден, школгъа дери билим бериу системада кемчиликлени, жарсыуланы ачыкъларгъа онг болгъанды.

Къабарты-Малкъарда коронавирус ауруу жайылыу жаны бла болумну юсюнден тюнене республиканы Правительствосуну юйюнде пресс-конференция бардырылгъанды.