29 сентября, 2020 - 07:25
28-29 сентябрьде Москвада бла Минскде Федерация Советни эм Беларусьну Миллет Жыйылыууну Республикалы Советини башчылыкъларында Беларусьну бла Россейни регионларыны жетинчи форуму бардырылады. Аны ишине Къабарты-Малкъар Республиканы Башчысы Казбек Коков да къатышханды.
Форумну биринчи кюнюню чегинде эки къыралны экспертлери, законла чыгъарыучу эм толтуруучу власть органларыны, илму жамауатларыны келечилери телемост халда экономика айныу жаны бла бирикген ишни ызларын белгилерикдиле, Беларусьну бла Россейни регионларыны тохташыулукъларын жалчытыр ючюн элли жаш адамларыны социал эм экономика тириликлерин кётюрюрча болумланы къурауну сюзерикдиле. Патриот сезимлени эм граждан жууаплылыкъны айнытыу, тарых хазнабызны сакълау эм къарындаш халкъланы бирликлерин кючлеу сорууланы, 1941-1945 жыллада Уллу Ата журт урушда совет халкъны жигитлигини юслеринден да энчи сёлеширикдиле.
Ахыр кюнюнде видеоконференция халда форумну регионларыны пленар жыйылыулары боллукъду, ол «Уллу Хорламны тарых хазнасы, Беларусьну бла Россейни халкъларыны социал-экономика эм тин байламлыкъларыны айныуларыны мурдоруча» деген темагъа кёре бардырыллыкъды.
КъМР-ни Башчысыны бла Правительствосуну пресс-службасы.