Мокъаланы Аллахбердини жашы Владимир, эртте ёмюрледеча, искусствону хар тюрлюсюн да билген адамды. Россейни халкъ устасы, суратчы, музыкант, поэт, ол жюзден артыкъ халкъла аралы, битеуроссей эм республикалы кёрмючлеге къатышханды.

20 июньдан башлап Россейни вузларында документлени алыу башланырыкъды. Къабарты-Малкъарны къырал университети  да ары окъургъа кирирге сюйгенлени ашыгъып сакълайды. Аланы эмда   ата-аналарын вузну жорукълары бла шагъырейленир мурат бла уа  тюбешиу къурагъанды. 

Бюгюнлюкде бизни бек уллу  жарсыуларындан бири малкъар тилни сакълауду. Узакъ элледе окъуна тауча сёлешебилмеген сабийле болгъанлары керти да къууандырмайды.  Аны себепли алимлерибизни оюмларын газетибизде басмалагъанлай турлукъбуз. 

КъМР-ни Башчысы Казбек Коков Регионланы айнытыу жаны бла правительстволу комиссияны РФ-ни Правительствосуну Председателини орунбасары Марат Хуснуллинни башчылыгъы бла  бардырылгъан жыйылыууна къатышханды. 

Къабарты-Малкъар къырал аграр университетде «Къурулушда, табийгъатны тапландырыуда эмда эл мюлк производствону механизациясында инновациялы амалла» деген темагъа аталып Битеуроссей илму-сынам конференция бардырылгъанды бу кюнледе. Илму форум къурулуш эмда землеустройство факультетде ётгенди.

КъМР-ни Парламентини Жамауат къоркъуусузлукъ эм коррупциягъа къажау комитетини башламчылыгъы бла къуралгъан «тёгерек столда» «КъМР-де коррупциягъа къажау ишни юсюнден» закон жашауда къалай бардырылгъаны сюзюлгенди. Аны спикерни орунбасары Жанатайланы Салим бардыргъанды.

Къабарты-Малкъарны Башчысы Казбек Коков «Интерфакс» федерал информация агентствону журналистлерине республика Петербургдагъы халкъла аралы экономика форумгъа къалай къатышханыны, инвестиция проектлени эмда айныуну андан ары онгларыны юсюнден хапарлагъанды.

Къабарты-Малкъарны Башчысы Казбек Коков Петербург экономика форумда ишни эсеплери бла байламлы кенгеш бардыргъанды. Ол форумда кёргюзтюлген Россей Федерацияны субъектлеринде инвестиция халны миллет рейтингини эсеплерине кёре Стратегиялы башламчылыкъла агентствону шартларын келтиргенди.

«Единая Россия» партия регионлада инфраструктура объектлени айнытыугъа себеплик этерикди: кёп къатлы юйлени арбазларын тапландырыудан башлап, артыкъда магъаналы уллу проектлени къурулушларына дери.

Социал страхование фондну Къабарты-Малкъар регион бёлюмюнде тюнене къууанчлы иш болгъанды: тюрлю-тюрлю жыллада ишлеп, производствода кеслерин ачытып, къыяулу болгъан инсанлагъа «Лада-Гранта» жангы автомобильле берилгендиле.