Бэрбэч ХьэтIутIэ и цIэр зе­зыхьэ Къэбэрдей-Балъкъэр къэрал университетым физикэмрэ есэпымкIэ и къудамэм и 4-нэ курсым щеджэ Насып Алим иджыблагъэ и зэфIэкIыр щигъэлъэ­гъуащ­ икIи щытекIуащ УФ-м­ ­ЦIы­хухэм щIэныгъэ егъэгъуэ­ты­нымрэ щIэныгъэ нэхъыщ­хьэмкIэ и министерствэм иригъэкIуэкIа «Студент стар­тап» зи фIэщыгъэ зэ­хьэ­зэхуэм.

Къэбэрдей-Балъкъэр Республикэм Курортхэмрэ туризм хуэIу­хуэ­щIэхэмкIэ и министерствэм иджыб­лагъэ «ТекIуэныгъэм и зекIуэ» псэкупсэ пэхуэщIэм (проектым) кърикIуахэм щыхэплъэжащ. ГъэфIэж пшыхь жыпхъэм иту ирагъэкIуэкIа зэIу­щIэм кърагъэблэгъащ зекIуэм хэта ныбжьыщIэхэр, абыхэм я егъэджакIуэхэмрэ гъуазэхэмрэ, лъахэхутэ зэщIэхъееныгъэхэм я лIы­кIуэхэр.

КъытщIэхъуэ щIэблэр хэкупсэу, пщIэрэ нэмысрэ яхэлъу гъэсэным дапщэщи гулъытэшхуэ щегъуэт ди щIыналъэм. Школхэмрэ сабий садхэмрэ екIуалIэ ныбжьыщIэхэр щIапIыкI хэкум и лIыхъужьхэм, гуащIэдэкI лэжьыгъэм, зауэм, нэгъуэщI IэнатIэхэм къыщыхэжаныкIахэм я гъащIэ щапхъэм. Ар зи мурад нэхъыщхьэ зэIущIэхэм хуэдэщ Налшык дэт «ДыгъафIэ къалэм» иджыблагъэ къыщызэрагъэпэща Iуэхугъуэр. 

Шэджэм районым хыхьэ­ Нартан къуажэм лъэпкъ къа­­фэхэмкIэ щапхъэу къалъыта «Вагъуэ цIыкIухэр» са­бий ансамблым и художественнэ унафэщI, КъБР-м гъуазджэхэмкIэ щIыхь зиIэ и лэжьакIуэ Къурашэ Эдик мы махуэхэм игъэлъэпIащ и ныбжьыр илъэс 60 зэрырикъуар. 

КъБР-м и архив IуэхущIапIэм къыдигъэкIащ дэфтэрхэр щызэхуэхьэса «Документы свидетельствуют» тхылъ, Къэбэрдей-Балъкъэрым и къэралыгъуэр илъэси 100 зэрырикъум хуагъэпсар.
КъыдэкIыгъуэм и напэкIуэцIхэм щызэхуэхьэсащ иужьрей илъэси 100-м къызэщIиубыдэ тхыдэ гъуэгуанэр зыхуэдамрэ цIыхубэм я гуащIэмрэ.

Илъэс мини 4,5-рэ ипэкIэ дунейм къытехьащ Хеопс и пирамидэр. Ар Пасэрей Мысырым и ухуэныгъэ нэхъ ин дыдэхэм хабжэ. Абы метри 139-рэ и лъагагъщ. 

КъБР-м и Парламентым иджыблагъэ щедэIуащ «Къэбэрдей-Балъкъэр Республикэм и бюджетыр 2023 гъэм, 2024 - 2025 гъэхэм ятещIыхьауэ», ­«КъБР-м ФIэкIыпIэ зимыIэ медицинэ страхованэмкIэ и щIыналъэ фондым и бюджетыр 2023 гъэм, 2024 - 2025 гъэхэм ятещIыхьауэ» проектхэм.

Муниципалитетхэм я лэжьыгъэм щыхэплъэ зи чэзу зэIущIэр иджыблагъэ иригъэкIуэкIащ Къэбэрдей-Балъкъэр Республикэм и Iэтащхьэ КIуэкIуэ Казбек. Абы хэтащ КъБР-м и Правительствэм и УнафэщI Мусуков Алий, КъБР-м и Iэтащхьэм и Администрацэм и УнафэщI ­Къуэдзокъуэ Мухьэмэд, КъБР-м щIалэгъуа­лэм я IуэхухэмкIэ и министр Лу Азэмэт, муниципальнэ районхэмрэ къалэ округхэмрэ я Iэтащхьэхэр.

КъБР-м и Iэтащхьэм и унафэкIэ, щIыналъэ ­бюджетым къыхэкI ахъшэкIэ къащэхуа транспортыщIэхэр дыгъуасэ иратащ республикэм Узыншагъэр хъумэнымкIэ, Егъэджэныгъэмрэ щIэныгъэмкIэ и министерствэхэм епха IуэхущIапIэхэм.
 
Автобусхэр къыщагъэсэбэпынущ Булунгу, ­Хъущтэ-Сырт, Шэджэм Ищхъэрэ, Балъкъэр Ипщэ, Джэрпэджэж, Безенги къуажэхэм.

Санкт-Петербург и къэрал художественно-промышленнэ ака­демием, Штиглиц Александр и цIэр зезыхьэм, и пэшыш­хуэм щэкIуэгъуэм и 10 лъандэрэ щагъэлъагъуэ Адыгэ Республикэм щIыхь зиIэ и художник, «Институт культурного наследия и развития» лъэпкъ щэнхабзэ центрым и къызэгъэпэщакIуэ икIи и унафэщI, модельер, дэрбзэр цIэрыIуэ Сэралъп Мадинэ и IэдакъэщIэкIхэр.