Къабарты-Малкъар къырал университетни медицина колледжини «Эльбрус» атлы командасы кёп болмай Нижний Новгородда «По тылам фронтов» деген халкъла аралы топографиялы оюнланы ахыр урумуна къатышып, андан хорлам бла къайтхандыла.

«Къайсыннга жюз атлам» проектни хунасына биринчи ташы 2013 жылда 13 июльда салыннганы барыбызны да эсибизде болур. Сау он жыл озду ол кюнден бери! Тарыхха кирген хунаны проекти уа 2011 жылда 18 июньда окъуна жаратылгъанды.

Малкъар халкъны жангырыу кюнюне аталып, Нальчикни универсал спорт арасында боксдан битеуроссей эришиуле бардырылгъандыла.

«Эрпак» ЗАО  Шимал-Кавказ федерал округда  къагъыт бла картон чыгъарыу жаны бла бек уллу предприятиягъа саналады. Ол эски къагъытны жарашдырып, андан тюрлю-тюрлю орунла хазырларча этеди. Оборудованиясы уа къагъытны акъ тюрлюсюн чыгъарыргъа онг береди. 

Тау этекледе къар эм чыранла эрип, жауунла жаууп апрельден сентябрьге дери республиканы череклери бираз кётюрюледиле. Алагъа дайым кёз-къулакъ болур ючюн 9 гидропост ишлейди.

Кёп болмай Къабарты-Малкъар къырал университетни медицина бёлюмюнде аны бошагъанлагъа бла студентлеге ишчи жерлени ярмаркасы къуралгъанды. Аны КъМР-ни саулукъ сакълау министрини орунбасары  Заурбек Батыров ачханды.

Шёндю КъМКъУ-да орта эм бийик профессионал билим ала тургъан 18 минг адам барды. Ала РФ-ни 50 субьектинден эм 40 къыралдан келген   студентледиле, аспирантладыла эмда ординаторладыла. Россейни башха регионларындан келип окъугъанла - 15 процентни, тыш къыраллыла уа  11 процентни тутадыла 

Бу кюнледе Хасания элни Культура юйюнде биринчи номерли Сабий санат школну филиалы, отчёт программасын да кёргюзтюп, аны бошагъанланы уллу жолгъа къууанчлы халда ашыргъанды.

Къан берилген станциягъа   бу кюнледе Черек эм Зольск районладан келечиле келгенде, фойе толуп къалгъан эди.  Бу акцияны къурагъан эм бардыргъан Черек районну администрациясыны башчысыны кенгешчиси, Россейни сыйлы донору Байсыланы Харунду. 

Кавказны жазыучуларыны клубуну регион бёлюмюню кезиулю жыйылыуунда Кавказ урушда ёлгенлени эсгергендиле, «ЛиФФт» журналны баш редактору-издатель Маргарита Аль бла тюбешгендиле, клубну къурагъан Гуртуланы Салихни 85-жыллыгъын белгилеуню сюзгендиле.