«Псэ быдэ Тхьэм ищI» хъуэхъум нэхърэ нэхъ дахэу куэд хэт къыщIэкIынкъым ди анэдэлъхубзэм. А псалъэхэм ещхьу цIыхум хэлъыпхъэ псори къызэщIэзыубыдэ хуэупсэныгъи гъуэтыгъуейщ. 

Къэбэрдей-Балъкъэрым и щIыпIэ дахэ­хэр нэхъ гъунэгъуу зрагъэцIыхуну Минводы къалэм къикIри, экскурсоводу 19 Налшык  иджыблагъэ щыIащ. 

Нартхэ я щакIуэжьыр махуэ къэсыхукIэ щакIуэ кIуэрт. Махуэ къэсыхукIи зыгуэр къихьырт. Е бжэн, е щыхь, е бланэ къимыукIауэ зэи къигъэзэжакъым. Апхуэдэу нартхэ я щакIуэжьыр щакIуэ кIуауэ, шыгъу шхыпIэ ищIам зы бжэн къыбгъэдыхьэри, шыгъур ишхыу щIидзащ. ЩакIуэжьыр еуэри, бжэныр къиукIащ. Бжэным бгъэдыхьэри и фэр трихащ, и жьэнфэныр къридзри, мафIэ ищIри игъэжьащ.

«Дохутырхэм я хасэ» щIыналъэ жылагъуэ зэгухьэныгъэм и ещанэ зэхуэсыр «Урысей» гъэлъэгъуэныгъэ-зэхыхьэ иныр щекIуэкI ВДНХ-м щызэхэтащ. Абы къыщызэщIакъуэжащ Хасэм 2023 гъэм иригъэкIуэкIа лэ­жьыгъэхэр. 

Къэрал кIуэцI IуэхухэмкIэ министерствэу КъБР-м щыIэм щекIуэкIащ 2023 гъэм я лэжьыгъэм кърикIуахэр щызэхалъхьэжа, дызыхыхьа лъэхъэнэм къапэщыт къалэнхэр щаубзыхуа зэIущIэ зыубгъуа. Абы хэтащ Къэбэрдей-Балъкъэр Республикэм и Iэтащхьэ КIуэкIуэ Казбек.

Пащтыхь тажышхуэр лIэщIыгъуэрэ ныкъуэкIэ Урысейм и пащтыхьыгъуэм и дамыгъэ нэхъыщхьэу екIуэкIащ. Ар 1762 гъэм ящIауэ щытащ, Екатеринэ II тетыгъуэр щиубыдым ирихьэлIэу. Пащтыхь гуащэр тахътэм щитIысхьэкIэ щхьэратIэгъэну тажым елэжьащ лъэпкъкIэ франджы дыщэкI Позье Меремирэ швейцар Экарт Георг Фридрихрэ. Ахэр Урысейм щыпсэурт, а зэманым къэралым и дыщэкI нэхъыфI дыдэуи къалъытэрт.

ЕгъэджакIуэмрэ унэтIакIуэмрэ я илъэсыр къызэднэкIащ, IэнатIэм щахузэфIэкIахэм щриплъэж икIи щызэIэрагъэхьа ехъулIэныгъэхэр къыщызэщIакъуэж зэIущIэхэри ирагъэкIуэкIащ. УФ-м и Президентым къыхилъхьа жэрдэмым ипкъ иткIэ, егъэджакIуэхэм, унэтIакIуэхэм, гъэсакIуэхэм я пщIэр къэIэтыным, абыхэм я лэжьыгъэм гулъытэ егъэгъуэтыным хуэунэтIауэ къэралым лэжьыгъэшхуэ щызэфIагъэкIащ.

Бжьыныр дэнэ щIыпIи къыщокI, нэхъыбэ дыдэу шхынхэм халъхьэ хадэхэкIщ. Ауэ цIыхубэм куэд дыди ящIэркъым абы теухуауэ, ар щыбупщIатэкIэ уи нэпсыр къызэрыщIигъэжым, узыншагъэмкIэ зэрысэбэпым нэмыщI. АтIэ ар къыщагъэунэхуам, и лIэужьыгъуэхэм, плъыфэ зэхуэмыдэхэр зэриIэм теухуауэ гъэщIэгъуэн куэд щыIэщ.

ЩIышылэм и 25-р Урысей студентым и махуэщ. Хабзэ хъуауэ, еджапIэ нэхъыщхьэхэмрэ колледжхэмрэ щеджэ щIалэгъуалэм папщIэ абы ирихьэлIэу зэхыхьэ гукъинэжхэр къызэрагъэпэщ. Ди щIыналъэми а махуэр щагъэлъэпIащ.

Адыгэ Республикэм къы­щыдэкI «Адыгэ макъ» газетыр дунейм къытехьэн зэ­ры­щIидзэрэ илъэси 100 зэрырикъур 2023 гъэм игъэлъэпIащ. Абы теухуауэ ирагъэкIуэкIа гуфIэгъуэ зэхыхьэхэм я кIэух зэIущIэт дыгъэгъазэм и иужьрей махуэхэм къызэрагъэпэщар.