Туристхэр кърашалIэКъэбэрдей-Балъкъэрым и щIыпIэ дахэхэр нэхъ гъунэгъуу зрагъэцIыхуну Минводы къалэм къикIри, экскурсоводу 19 Налшык иджыблагъэ щыIащ. Республикэм Курортхэмрэ туризмэмкIэ и министерствэм и пресс-IуэхущIапIэм къызэрыхигъэщамкIэ, хьэщIэхэр автобускIэ кърашэкIыурэ республикэм и щIыпIэ нэхъ дахэхэр ирагъэлъэгъуащ. Къапщтэмэ, абыхэм ди къалащхьэм и Къэбэрдей уэрамым и лъэс зекIуапIэм къыщакIухьащ, Сэралъп Мадинэ и Арт-центрым, Политикэ залымыгъэ зыкIэлъызэрахьахэм я фэеплъым щыIащ, ЩоджэнцIыкIу Алий и музеймрэ Кулиев Къайсын и музеймрэ зрагъэлъэгъуащ. НАУРЫЗЫКЪУЭ Ислъам.
Поделиться: ЧИТАТЬ ТАКЖЕ:
|