Бу кюнледе Яникойну китапханасында кезиулю Кязим окъуула ётгендиле. Бу жол анга элни Байсолтанланы Алимни атын жюрютген школуну башланнган класслары эмда сабий садыны  тамата къаууму къатышхандыла - битеу да 52 сабий. 

  «Миллетле кёпдюле - къырал а бирди» деген ат бла Хасанияны 16-чы номерли мектебинде уллу байрам ётгенди. Ол  Россейни халкъларыны бирлигини жылына жораланнганды.

Къабарты-Малкъарны Перинатал арасында  кюн сайын иги кесек бала тууады. Сёз ючюн, республикада туугъан къагъанакъланы 70 проценти дуниягъа  мында жаратыладыла, ол санда болжалларындан алгъа туугъанланы уа 94 проценти.    Аланы жашауларын сакъларча да бар мадар этиледи.

Бу кюнледе Элбрус элни Маданият юйюнде КъМР-ни маданиятыны сыйлы къуллукъчусу, белгили этнограф Къудайланы Мухтарны туугъан кюнюне аталгъан эсгериу ингир ётгенди.

Ёзденланы Мухтарны жашы Артур «Саулукъ сакълау» миллет проектни «Земский доктор» программасына къатышып, бюгюнлюкде Ново-Ивановскоени амбулаториясында врач-терапевт болуп ишлейди.

КъМР-ни Архив службасында Уллу Ата журт урушну жылларында нацистле бла аланы болушлукъчулары совет халкъгъа  уллу зорлукъ сынатханларын эсде тутууну кюнюне жораланнган тюбешиу болгъанды. Ол республиканы асламлы информация органларыны келечилерини къатышыулары бла бардырылгъанды.

Танышыгъыз, Адрайланы Мухаммат – анга жаланда тогъуз жылы толгъанды. Ол белгили космонавт Юрий Гагаринни юсюнден хар затны да билирге кюрешеди, аны бла ёхтемленеди, анга ушаргъа сюеди.

Бийик технологияланы битеуроссей ыйыгъыны кезиуюнде «РусГидро» компанияны Къабарты-Малкъарда бёлюмюню келечилери Нальчикде «Кюн шахар» сабий академияда болгъандыла. Энергетикле анда «Хунерли сабийлени школуну» окъуучулары бла тюбешгендиле.

Элбрус районну Кёнделен элини мектеплерини тамата классларыны окъуучулары «Ломоносовский обоз. Сила в смысле» деген жарыкъландырыу проектни программасына къатышхандыла.

Быйыл сентябрьде Басхан районну  Баксаненок бла  Псыхурей эллеринде  биришер агротехнология класс ачыллыкъды, деп билдиргендиле КъМР-ни Эл мюлк министерствосундан.