Россельхлознадзорну Шимал Кавказда управлениясыны Къабарты-Малкъарда бёлюмюнден билдиргенича, быйылны башындан бери нартюхден этимлген крахмалдан тышына 189,75 тонна сатылгъанды. Алай бла бюгюнелюкде анга тыш къыраллада сурам ёсе баргъан хайырлы экспорт продуктладан бирине санаргъа боллукъду.

Жанхотияны орта школну да, бирси мектепледеча, зауукълу кезиу башланды. Билимни кюнюнде анда арбазда эшитилген тюрлю-тюрлю макъамла келген къонакъланы кёллерин жарыкъ эте, къууандыргъандыла. Сабйлени жюреклери уа жангы умутладан, къучакълары тюрсюнлю шарладан бла гюлледен толуп эдиле.

КъМР-ни Саулукъ сакълау министерствосундан билдиргенлерича, жыл башланнганлы республикада 1054 рентгенэндоваскуляр операция этилгенди.  Ол Республиканы бийик технологиялы арасында бла Республиканы клиника больницасында жюреклери ишемия эм коронар аурууладан къыйналгъанлагъа этиледи.

Бир затха эси бёлюнюп неда ишден арып келип, аш эте тургъанлай, газны ёчюлтмей къайсы инсан да къояргъа боллукъду. Бютюнда аллай болумгъа уллайгъан адамла тюшедиле.

РусГидро компанияны Къабарты-Малкъарда бёлюмюню келечилери, чабакъчылыкъ жаны бла федерал агентствону Запад-Каспий управлениясыны специалистлери бла бирге  бу кюнледе республиканы череклерине каспий лососьчукъладан 200 мингден артыгъын жибергендиле. Быллай магъаналы иш тёртюнчю кере бардырылады.

Къабарты-Малкъарда 8 сентябрьде боллукъ айырыулада 700-ден аслам жамауат къараучу ишлерикдиле, деп билдиредиле Жамауат штабны пресс-арасындан.

Республикабызда бокс спортну айныгъан тюрлюлеринденди, аны бла аслам адам профессионал, любитель халда да кюрешедиле. Тренер Тогъузаланы Ибрагим Нальчикде бай сынамына сабийлени юйретеди, алагъа спорт, адамлыкъ жаны бла да ахшы юлгю кёргюзтеди.

Къалыубаладан бери инсаннга туугъан жер деген сёз дунияны битеу накъут-налмасындан да багъалы болгъанлай келеди. Ата-бабаларыбыз шам шахардан туугъан элинг игиди деп да бош анстан айтмагъандыла. Тюркден Эбуланы Къутбий да ол сёзлени кертиге санайды. Кёп болмай танышханма мен аны бла.

«Единая Россия» тамамлагъан «Сабийни школгъа хазырла» жандауурлукъ ишни эсеплери чыгъарылгъандыла эмда къыралда билим бериу учрежденияланы жангы окъуу жылгъа хазырлыкълары сюзюлгенди.

Жырла, ариу макъамла, тепсеуле хар миллетни да энчилигин кёргюзтген шартладыла. Алай халкъ аланы айнытмаса, эс бурмаса, ёмюрлени жыйылып, тёлюден тёлюге сакълана келген хазна тас болуп барлыгъы баямды.