КъМР-ни Миллет музейинде «Человек дождя» жандауурлукъ фестивальны кезиулю кёрмючю ачылгъанды. Ол аутизм аурууну юсюнден хапарны кенг жайыуну халкъла аралы кюнюне  жораланнганды.  2008 жылдан бери 2 апрельде белгиленнген бу кюн тюрлю-тюрлю чакъырылыула бла ётеди.

Къабарты-Малкъар къырал университетни Орус тил эм маданият арасыны бла Брестни  А.С. Пушкин атлы къырал университетни араларында онлайн халда тюбешиу бардырылгъанды.

Къабарты-Малкъарда энчи аскер операциягъа къатышханланы окъутуугъа, аланы мамыр жашауда кеслерине жер табаргъа болушурукъ проект жашауда бардырылып башлагъанды. Ол «Къабарты-Малкъарны жигитлери» программаны чеклеринде толтурулады.

Багъала, айлыкъла, инвестицияла, ишчи жерле – аланы эм башха темаланы юслеринден  сёлешиннгенди Къабарты-Малкъарны Экономиканы айнытыу министерствосуну коллегиясында. Анда аны былтыргъы ишини эсеплерин, бёлюмде жетишимлени эмда чурумланы туура этгендиле.

РФ-ни Сюд приставларыны службасыны (УФССП) Къабарты-Малкъарда бёлюмюню келечиси Темиркан Готижев битеуроссей эришиуледе хорлагъанды, деп билдиргендиле бу ведомстводан. Анда айтханларына кёре, жаш гитче сюд пристав болуп ишлейди.

Сухумда Къабарты-Малкъар Республиканы Правительствосуну бла Абхазия Республиканы Правительствосуну араларында сатыу-алыу-экономика, илму-техника эмда маданият байламлыкъланы юсюнден келишимге къол салыннганды.

КъМР-ни Парламентини Жамауат советини жай сессияда биринчи жыйылыуу  магъаналы соруугъа жораланнганды –  социал аурууладан сакъланыугъа. Аны советни башчысы Бечелланы Илияс бардыргъанды. Жыйылыугъа законла чыгъарыучу органны башчысы Татьяна Егорова къатышханды. 

Нальчикде «Россейни халкъларыны ассамблеясы» битеуроссей жамауат-къырал биригиуню регион бёлюмюню пресс-конференциясы болгъанды. Аны Россейни Президентинде Миллетле аралы халла жаны бла советге, Россейни Халкъларыны ассамблеясыны советине кирген Хаути  Сохроков бардыргъанды. 

Элбрус районда халкъла аралы байламлыкъгъа бла шуёхлукъгъа хар заманда да уллу эс бургъандыла. Тырныауузда кёп миллетле жашайдыла. Ала барысы да кеслерин туугъан жерлериндеча сезедиле. Ол а шуёхлукъну кючюнденди.

Кёп болмай Тырныауузда Къулийланы Къайсын атлы Маданият юйде Элбрус районну медицина бёлюмюню кенгеши болгъанды. Анда тамамланнган жумушланы эсеплегендиле эм этилирге кереклерин да белгилегендиле.