Дондагъы Ростовда каратеден «Кубок Пересвета» деген аты бла битеуроссей эришиу бардырылгъанды, анга къыралны 38 регионундан мингнге жууукъ спортчу къатышхандыла.

Республикабызны Курортла эм туризм министерствосунда Къабарты-Малкъарны Прокуратурасыны келечиси Улбашланы Фатиманы къатышыуу бла жыйылыу болгъанды. Анда хайыр, къоранчла, мюлк жумушла  бла байламлы соруулагъа къаралгъанды.

Республиканы Спорт министерствосу билдиргеннге кёре, бу кюнледе Нальчик шахарда Къабарты-Малкъар къырал университетни физкультура-спорт комплексинде киокусинкайдан «Хорламны Кубогу» регионла аралы эришиуле бардырылгъандыла. Ала Уллу Хорламны 81-жыллыгъына аталгъандыла.

Республиканы Спорт министерствосу билдиргеннге кёре, бу кюнледе Невинномысск шахарда дзюдодан СКФО-ну биринчилиги ётгенди. Ол онбеш жыллары толмагъан спортчу жашланы бла къызланы араларында бардырылгъанды. Ары округну жети регионундан 284 спортчу къатышханды.

Арт заманда миллет тиллени окъутургъа аслам эс бурулады. Аны алайлыгъы мектепледе бегирек эсленеди. Дерслени тынгылы бардырырча тап жарашдырылгъан окъуу китапла, интерактив къангала бардыла.

Дуния башында от тюшгенни хатасындан болгъан къыйынлыкъла бир заманда да бошалмайдыла. Жарсыугъа, ала мюлкню, ырысхыны айтмай къойсакъ да, адамланы  жашауларын да аладыла. Ма ол себепден сабийлеге ол къыйынлыкъдан къутулур амалланы юйретиу магъаналы ишледен бириди.

Тюнене Нальчикни Горный тийресинде Тарчоков атлы орамдагъы 19-чу номерли юйню къабыргъасында поэт эмда жазыучу Чыпчыкъланы Борисни хурметине мемориал къанга салыннганды. 

КъМР-ни Башчысы Казбек Коков «Радуга» сабий реабилитация арада бардырыла тургъан уллу жангыртыу ишле бла шагъырейленнгенди, деп билдириледи республиканы оноучусуну MAX-да энчи каналында. 

Нальчикде  Музыка театрда  Россейни бек белгили  Мариин  эм Уллу  театрларыны  артистлери симфония чыгъармаладан  концерт бергендиле. Ол жыйырма бешинчи юбилей Пасха фестивальны чеклеринде бардырылгъанды. 

Орус география обществону «Альтаир» жаш тёлю биригиую, быйыл биринчи жолоучулугъун обществону 10-жыллыгъына атап, Хеу сууну башына чыкъгъанды.