Къабарты-Малкъарны Жамауат палатасыны пленар жыйылыуунда Россейни халкъларыны бирлигини жылында жамауат ырахатлыкъны сакълауда миллетлени араларында келишиулюк къаллай жерни алгъаны тинтилгенди.

КъМР-ни Правительствосунда айырыу правогъа жораланнган «Электрон диктант» республикалы  конкурсда бла муниципал олимпиадада хорлагъанланы саугъалагъандыла.
 Белгилисича, бу иш ёсюп келген тёлюню право жаны бла билимлерин ёсдюрюр мурат бла бардырылады. 

КъМР-ни законла чыгъарыучу органыны президиумунда «правительстволу сагъатда» экскурсоводланы, гид-тилманчланы эм инструктор-тилманчланы билимлерине багъа бериу къалай къуралгъанын эмда КъМР-де туризмде къырал надзор къалай толтурулгъаны сюзюлгенди.

«Единая Россияны»  XXIII съездине Къабарты-Малкъардан кимле къатышырыкълары партияны регион бёлюмюню XXXVIII конференциясында белгили болгъанды. 

Тюнене Нальчикде шахар паркга кирген жерде «Махтаулукъну Ёмюрлюк оту» эсгертмени къатында 1941-1945 жыллада Уллу Ата журт уруш башланнганлы 85-жыллыгъына жораланнган митинг болгъанды.

Нальчикде Ата журтну къоруулаучуларыны юйюрлерини комитетини Шимал-Кавказ федерал округда бёлюмлерини тюбешиулери болгъанды. «Азимут» къонакъ юйге энчи аскер операциягъа къатышханлагъа  болушлукъ этгенле, СВО-ну аскерчилерини жууукълары жыйылгъандыла. 

Т.К. Мальбахов атлы къырал миллет китапхананы республикагъа, хар бир адамгъа да магъанасы уллуду. Аны миллет эм краевед бёлюмюнде  тохтамай тюрлю-тюрлю ишле этгенлерин, аланы юслери бла ёсе келген тёлюню къыралыбызны, халкъыбызны сюерге юйретгенлери белгилиди.

КъМР-ни Башчысы Казбек Коков Ата журтну аскерчилерини комитетини оноучусу Юлия Белехова бла тюбешгенди, ол Къабарты-Малкъаргъа ишчи жумуш бла келип турады. Аны юсюнден республиканы оноучусу MAX-да билдиреди. 

Жыл сайын да Россейде июнь айны ючюнчю ыйых кюнюнде Медицинада ишлегенле кеслерини байрамларын белгилейдиле. Ол 1980 жылда СССР-ни  Баш Советини Президиумуну «Байрам эмда эсде тутууну кюнлерини юсюнден»  буйругъуна тийишлиликде тохташдырылгъанды.

Къабарты-Малкъар къырал университетни электроника, робототехника эм жалгъан акъыл  жаны бла институтуну экинчи курсунда окъугъан Мансур Оздо  Шимал Кавказны жаш тёлю  туризмни былтыр Архызда ётген «Координата – 2025» деген форумунда хорлап, Жаш тёлюню ишлери жаны бла федерал агентстводан 490 минг