КъБР-м и Парламентым ЕгъэджэныгъэмкIэ, щIэныгъэмрэ щIалэ­гъуалэм я IуэхухэмкIэ, ЩэнхабзэмкIэ, жылагъуэм зегъэужьынымрэ хъыбарегъащIэ политикэмкIэ и комитетхэм иджыблагъэ зэгъусэу ирагъэкIуэкIа зэIущIэм депутатхэр щы­тепсэлъыхьащ гуманитар егъэ­джэ­ныгъэр зэфIэгъэувэным РАН-м и Къэбэрдей-Балъкъэр щIэныгъэ цент­рым Гуманитар къэхутэныгъэ­хэмкIэ и институтым хуищI хэлъ­хьэныгъэм. 

КъБР-м и Музыкэ театрым фэеплъ пшыхь щекIуэкIащ ­КъБР-м и цIыхубэ артист, Адыгэ Республикэм щэнхабзэмкIэ щIыхь зиIэ и лэ­жьакIуэ, адыгэ уэрэ­дыжь­хэр, хъыбархэр зэхуэхьэсы­жыным, абыхэм цIыхубэр ­щыгъэгъуэзэным ­теухуауэ куэд зыщIа щIэныгъэлI-IуэрыIуатэдж, тха­кIуэ, уэрэджыIакIуэ, драматург, артист КъардэнгъущI Зы­ра-мыку къызэралъхурэ илъэ­сищэрэ тхурэ зэрырикъум и щIыхькIэ.

Ткаченкэ Андрей и цIэр зезыхьэ Су­рэтыщI гъуазджэхэмкIэ музейм иджыб­лагъэ къыщызэIуахащ Дзэгъэл Iэуес ­«Iуащхьэмахуэ кIуэ гъуэгу» зыфIища и IэдакъэщIэкIхэм я гъэлъэгъуэныгъэ.

Налшык и Къэрал концерт гъэлъэгъуапIэм щэкIуэгъуэм и 24-м концерт гукъинэж щитащ КъБР-м и къэрал филармонием и оркестрым Темыркъан Борис и цIэр зезыхьэм.

Алыхьталэм и нэфI лъэпкъым зэрыщыхуар кърипщIэну зы нэщэнэ щыIэщ: щIэныгъэм хуэщIахэр нэхъыбэ мэхъу. Кавказ Ищхъэрэ ислъам университетым и егъэджакIуэ нэхъыжь, «Мансур» мэжджытым и Iимам Щхьэны­къуэ Анзор шэрихьэт щIэ­ныгъэхэмкIэ доктор зэры­хъуа хъыбарым щымыгуфIыкIа, зи щхьэ лъагэу зримыгъэIэта цIыху куэд къинэжа къыщIэкIынкъым мы махуэхэм ди республикэм. 

КъБР-м и Iэтащхьэ КIуэкIуэ Казбек республикэм и Правительствэм хэтхэм ядригъэкIуэкIащ хабзэ хъуауэ сабийхэм ­папщIэ зэхашэ илъэсыщIэ зэхыхьэхэр къы­зэрызэрагъэпэщынум теухуа зэIущIэ.

КъБАССР-м гъуазджэхэмкIэ щIыхь зиIэ и лэжьакIуэ, адыгэ литературэм и классик, усакIуэ икIи тхакIуэ, егъэджакIуэ ЩоджэнцIыкIу Алий дунейм зэрехыжрэ илъэс 82-рэ зэрырикъум теухуа пэкIу дыгъуасэ екIу­э­кIащ. Ар къыщызэрагъэпэщащ усакIуэшхуэм и цIэр зезыхьэ Къэбэрдей къэрал драмэ театрым и пщIантIэм дэт и фэеплъым деж. 

«Гранд-Кавказ» хьэ­щIэ­щым къыщызэIуахащ республикэм и сурэтыщI цIэ­рыIуэ Щэмей Руслан и лэжьыгъэ гъэщIэгъуэнхэр щызэхуэхьэса «О прошлом» гъэлъэгъуэныгъэр. Ар къы­зэрагъэпэщащ художникыр илъэс 60 зэрырикъум и щIыхькIэ. 

Прохладнэ районым хыхьэ Янтарнэ къуажэм дэт амбулаторэр зэраухуэрэ иджы япэу зэгъэпэщыжыныгъэ Iуэхухэр щрагъэкIуэкIыу аращ. КъБР-м узыншагъэр ­хъумэнымкIэ и министр Къалэбатэ Рустам медицинэ IуэхущIапIэм къыщрахьэжьа лэжьыгъэхэр зэрагъэзащIэм зыщигъэгъуэзащ.

- Псейр дунейм и дэтхэнэ щIыпIэми къыщокI. 
- И лъабжьэр щIофыкI ар илъэси 10 - 15 ирикъуа нэужь. ЕтIуанэу къищIыж лъабжьэм и лъэхъцхэр бгъуагъкIэ нэхъ зэкIэщIокI, щIым кууущэу хэмыкIэу. Аращ псеишхуэхэр жьы борэнхэм щIращIыкIыфыр. 
- Ику иту псейр мэпсэу илъэси 200 - 300-кIэ. УщрихьэлIэ щыIэщ илъэс 600 зи ныбжьхэми. Швецэм къыщокI илъэс 9500-рэ зи ныбжь псеижьыр.