Юрий Гагаринни аты аталгъан "Союз МС-18" кеме кёкге учурулгъанды. Халкъла аралы космос кемеге российли космонавтла Олег Новицкийни бла Петр Дубровну эмда америкалы астронавт Марк Ванде Хайны жетдиргенди.

Юрий Алексеевич Гагарин жаланда 34 жыл жашагъанды, алай кёкге биринчи чыкъгъан, Жер жюзюн туурадан кёрген адамны аты тарыхда ёмюрлеге къалгъанды. Ол аламда 1 сагъат бла 48 минут учханды, алай бу къысха заман аны битеу дунияны, тёлюлени да жигити этгенди.
Тенглерини сайлауу

Ачыкъ эшиклени кюнюнде Майский шахарны мектеплерини окъуучулары алтынчы номерли от ёчюлтюу-къутхарыу службада болгъандыла.

Кёп жыл мындан алда 9-чу Майда тюшген эдиле бу адамла суратха. Ала бары да Акъ-Суу элдендиле. Хорламны сыйлы кюнюн белгилерге жыйылгъандыла бери. Араларында урушха къатышханла да бар. Жангыз биринден къалгъанла дунияларын алышхандыла. Къысха хапарыбызда аланы эсгерейик.

Бизни республикада маллада, жаныуарлада да къутургъан ауруу бла байламлы болум артыкъда бек уллу сакълыкъ излейди, деп эсгергендиле Россельхознадзорну Къабарты-Малкъарда управлениясында.

Россейни МЧС-ини регионда Баш управлениясыны башчысы ич службаны генерал-майору Михаил Надежин биринчи номерли от ёчюлтюу-къутхарыу отрядны къыйын болумлада ишлеуге хазырлылыгъын тинтгенди. Ол бёлюмде оператив иш къалай къуралгъанына, энчи техниканы халына да къарагъанды.

Бюгюнлюкде Чегем районда Covid-19 жукъгъан ауруудан вакцинацияны 962 адам ётгенди. Дарман салгъан пунктла Чегем шахарда, Яникойда, Нартанда, Шалушкада эм Экинчи Чегемде да ишлейдиле. Аны бла бирге мобиль биригадала эллеге да жюрюйдюле.

КъМР-ни Парламентини спикери Татьяна Егорова законла чыгъарыучу органны президиумуну кезиулю жыйылыуун бардыргъанды. Анда «КъМР-ни Конституциясына тюзетиулени юсюнден» законну проектине да къаралгъанды. Аны депутатланы къаууму хазырлагъандыла.

Къабарты-Малкъарны Башчысы Казбек Коков Россей Федерацияны эл мюлк министри Дмитрий Патрушев бла Москвада ишчи тюбешиу къурагъандыла. Аны чегинде КъМР-ни агропромышленный комплексини ишини эсеплерин эм аны андан ары айныуун сюзгендиле.

Тырныаууздан белгили гёжеф, Элбрус районну Олимпиадалы резервли спорт школуну сохтасы Тебуланы Мырза-Бек Карате Комбат профессионал къауумда бешинчи сермешин бардыргъанды.