|
Статьи на балкарском языке
5 апреля, 2021 - 07:27
Быйыл Къабарты-Малкъарда кёп функциялы рентген комплексле чыгъарып башларгъа муратлыдыла. Эсге сала айтсакъ, аны жарашдырыу 2017 жылдан бери барады. Бюгюнлюкде оборудованияны жашауда сынарча жумушла тамамланадыла. Ызы бла ол сертификацияны ётгенден сора производствосу башланырыкъды.
5 апреля, 2021 - 07:24
КъМР-ни Эл мюлк министерствосуну былтыргъы ишини эсеплерин чыгъаргъандыла бу кюнледе бардырылгъан коллегияда. Анга республиканы Правительствосуну Председатели Мусукланы Алий, аны биринчи орунбасары Сергей Говоров эм башхала къатышхандыла.
3 апреля, 2021 - 13:23
Къабарты-Малкъар Республиканы Правительствосуну Председатели Мусукланы Алий бу кюнледе Synesis халкъла аралы ИТ-компанияны (Беларусь) келечилери бла тюбешгенди.
3 апреля, 2021 - 13:15
Къабарты-Малкъарда биринчи къырал эм муниципал жумушланы тамамлагъан кёп функциялы ара (МФЦ) ишлеп башлагъанлы тогъуз жыл болады. Андан бери аны онеки бёлюмю ачылгъанды. Бюгюнлюкде алада 600 артыкъ специалист урунады, ол санда саулукъларында бир тюрлю кемчиликлери болгъан 33 инсан.
2 апреля, 2021 - 09:34
Жазылыу - 2021
Хурметли жамауат!
Жазылыу кампания бошалса да, газетибизни тиражы аз-аздан ёсюп туруучуду. Алай болсада бу айны ал кюню уа бизни бютюнда бек къууандыргъанды. Не ючюн десегиз, биринчи мартдан «Заманны» окъуучуларыны санына 54 адам къошулгъанды.
1 апреля, 2021 - 09:24
Нальчик шахар округну администрациясындан билдиргенлерича, «Хар сабийни жетишими» федерал эм «Билим бериу» миллет проектлеге кёре, къошакъ билим алырча былтыр 2295 сабийге жангы жерле къуралгъандыла. Бюгюнлюкде школчуланы 70 проценти ол амалны толу хайырланадыла.
1 апреля, 2021 - 09:13
КъМР-ни Башчысы Казбек Коков Роспотребнадзорну КъМР-де Управлениясыны таматасы Жирослан Пагов бла тюбешгенди.
30 марта, 2021 - 07:19
КъМР-ни Парламентини малкъар халкъдан келечилери эм эллерибизни администрацияларыны башчылары къурап, шабат кюн Долинскде миллетибизни туугъан жерине къайтханлыгъыны 64-жыллыгъына жораланнган къууанчлы жыйылыу болгъанды.
30 марта, 2021 - 07:15
Казбек Коков Къашхатау шахар поселенияда Маданият юйге къарагъанды, ол 1981 жылда ишленнгенди, андан бери анга ремонт этилмегенди. Маданият юйде сабий эм абадан китапханала, искусстволаны сабий школу, музей, «Къууанч» эм «Аламат» сабий ансамбльле ишлерин бардырадыла.
30 марта, 2021 - 07:11
Миллетни маданият жашауунда магъаналы эм кёпден бери сакъланнган жумуш – Къулийланы Къайсын атлы Малкъар къырал драма театрны мекямын хайырланыргъа бериу – ыйых кюн къууанчлы халда ётгенди.
Страницы
|