Комсомольск-на-Амуре шахарны спортну оюн тюрлюлеринден бла единоборстволадан арасында грек-рим тутушуудан Россейни биринчилиги бардырылгъанды. Анга къыралны 51 регионундан 24 жыллары толмагъан 500-ге жууукъ гёжеф къатышхандыла.

Анда республикабызны келечилери тёрт майдал къытхандыла. 55 килограммда айырыу юч тюбешиуде, ахырында эм къыйын финал сермешде хорлап, Улбашланы Адам «алтыннга» тийишли болгъанды. Экинчи «алтынны» Ауэс Гонибов (87 кг.) келтиргенди, доммакъ майдалланы уа Алихан Асланов (55кг.) бла Салим Казмахов (63 кг.)  алгъандыла.

Кульчаланы Зульфия.