Элбрус районну билим бериу учрежденияларында «Аскерчини анасыны жюреги» деген жигитлик-патриот акция бардырылады. Аны мураты Уллу Ата журт урушда, Афганистанда, Сирияда эм башха жерледе къазауатлада жан берген аскерчилерибизни эсгериудю, алагъа хурмет этиудю.

Билдиргенибизча, бу кюнледе «Кинокавказ–2022» деген III Шимал-Кавказ жаш тёлю кинофестиваль бардырылады. Аны къурагъан эм бардыргъан Искусстволаны Шимал-Кавказ къырал институтуду. Окъуу юйню бу башламчылыгъына РФ-ни Культура министерствосу да себеплик этгенди.

КъМР-ни, КъЧР-ни да халкъ артисти Отарланы Магометни жашы Омар ХХ ёмюрню 30-чу жылларындан башлап 2002 жылда 22 майда бу дуниядан кетгинчи, жыргъа баш уруп: «Сен ёмюрде ёлмегин!» – деп жашагъанды.

Белгили ата журтлу мобиль телесистемалы (МТС) компания бардыргъан тинтиулеге кёре, май айда болгъан байрам кюнледе Къабарты-Малкъаргъа келген жолоучуланы саны иги кесекге кёбейгенди эм ол жаны бла республика россейли регионланы ичинде алчы жерге чыкъгъанды.

Республиканы Спорт министерствосу билдиргеннге кёре, бу кюнледе Нальчикде Къабарты-Малкъар университетни спорткомплексинде каратэ кёкюсинкайдан КъМР-ни тёрели онбиринчи кубогу ётгенди. Ол 10-17 жыллыкъ  спортчуланы араларында бардырылгъанды.

Бызынгыны орта школунда малкъар тилден бла адабиятдан Чочайланы Нажабат, Гамайланы Хизирни къызы юйретеди. Ол республикада эм сынамлы, сыйлы да устазларыбыздан бириди. Ишин бет жарыкълы толтургъаны ючюн 2011 жылда къыралны Правительствосуну сыйлы грамотасы бла саугъаланнганды.

Нальчикде «Кизиловка» турбазаны тийресинде МЧС-ни регионда баш управлениясыны «Къоркъуусузлукъну школу» деген проектини чегинде республикалы эришиуле бардырылгъандыла.

Тюнене Нальчикде «Кинокавказ-2022» деген Шимал Кавказ жаш тёлю кинофестиваль башланнганды. Аны къууанчлы ачылыуу Долинскде Курортла залында ётгенди. 

Бу кюнледе В.М.Коков атлы Къабарты-Малкъар къырал аграр университетде «Механизация эм предприятияланы энергетика бла жалчытыу» факультетде кеси къурагъан лабораториягъа эл мюлк илмуланы доктору, профессор Гергъокъаланы Абушну жашы Джамалны аты аталгъанды.

Багъалы жерлешлерим!

Бюгюн, Кавказ уруш бошалгъанлы 159 жыл толгъан кюн, биз, ол къанлы къазауатны, адыгланы ёмюрлени теренинден келген тарыхларыны бек ачыулу кезиулеринде жоюлгъанланы эсгере, алагъа баш урабыз.