Алгъаракълада Нальчикде Тимбора Мальбахов атлы ара библиотекада 2000 жылда Сиднейде  Олимпий оюнланы эки кере призёру Елена Продунованы ата-анадан ёксюз къалгъан сабийле бла тюбешиую болгъанды.

 Озгъан баш кюн В.М.Коков атлы  Къабарты-Малкъар къырал аграр  университетде  КъМР-ни жаш депутатларыны «Къабарты-Малкъар Республиканы айныуунда жаш тёлюню жери» деген ат бла  республикалы форуму ишин башлагъанды. 

Быйыл Къабарты-Малкъарда агропромышленность комплексде чыгъарылгъан продукциядан экспортха 12,4 миллион доллар багъасына жиберилгенди.

Бу кюнледе «Къабарты-Малкъар Республиканы айныуунда жаш тёлюню жери» деген форум барады. Аны КъМР-ни Парламентини Билим бериу, илму эм жаш тёлюню ишлери жаны бла комитети эмда Парламентде Жаш тёлю палата къурагъандыла.

Халкъла аралы «Артек» сабий арада «Большая перемена» Битеуроссей конкурсну финалы ётгенди. Аны АНО «Россия – страна возможностей», ФГБУ «Роспатриотцентр», РФ-ни Жарыкъландырыу министерствосу эм Школчуланы россейли къымылдауу къурап бардырадыла.

Къабарты-Малкъарда жашагъанла, бирси регионладача, вакцина этилгенине QR-коду бла  къагъыт сертификатны энди Къырал эм муниципал жумушланы тамамлагъан кёп функциялы арада (МФЦ) алыргъа боллукъдула. 

Алгъаракълада социал сетьледе бардырылгъан соруу-жууапха кёре, «Элбрус» миллет парк туристле аслам келирге сюйген  Россейде эм тамаша жерледен бирине саналгъанды. Алай бла  ол  Карелиядан «Паанаярви» миллет парк  бла бирге  ючюнчю жерге тийишли болгъанды. 

Инфарктдан сора толу жашау этерге боллукъмуду? Бек башы уа - аны экинчи кере болдурмазча не этерге керекди? Ол эки соруугъа къаллай жууапланы кёпле сакълайдыла, артыкъда ол къыйынлыкъдан къутулгъанла.

Нальчикде 14 ноябрьден 15 ноябрьге кечеде муниципал троллейбус управленияны тийресинде тургъан «ПАЗ» автобусла кюйгендиле. Алай бла 14-чю номерли пассажир маршрутну жалчытхан 7 «ПАЗ» автобус жаннганды.

14-21 ноябрьде битеуроссей экология диктант бардырылады. Ол Кир-кипчикни жангыдан жарашдырыуну битеудуния кюнюне аталып къуралады.