Халкъла аралы «Артек» сабий арада «Большая перемена» Битеуроссей конкурсну финалы ётгенди. Аны АНО «Россия – страна возможностей», ФГБУ «Роспатриотцентр», РФ-ни Жарыкъландырыу министерствосу эм Школчуланы россейли къымылдауу къурап бардырадыла. Эсигизге салайыкъ, ол айырмалы эм фахмулу школчуланы ачыкълар мурат бла ётеди.

Бу жолгъу финалгъа чыкъгъан оноуландан ючюсю Къабарты-Малкъардандыла: Жаболаны Ахмат, Бечелланы Айдана эм Амир Гоноков. Эришиу абадан классланы келечилерини араларында бардырылады. Битеу да конкурсха 600 окъуучу къатышхандыла. Аладан жарымы 1-чи1 классланы келечилеридиле. Аланы хар бири да миллион сом къоллу болгъандыла. Ол саугъаны ала билимлерин ёсдюрюуге къоратыргъа боллукъдула. Андан сора да, аланы портфолиоларына балла да къошулгъандыла. Вузгъа кирген кезиуде абитуриентле аланы да хайырланыргъа боллукъдула.

Сёз ючюн, хасаниячы жаш Жаболаны Ахмат «Солнечный город» чыгъармачылыкъ академияны окъуучусуду. Билимлилиги эм жарыкъ кёллюлюгю бла ол не заманда да айырмалыды. Аны ол ышанлары уа миллион сом къоллу этгендиле.       

Къасымланы Аминат.