Нальчикде 14 ноябрьден 15 ноябрьге кечеде муниципал троллейбус управленияны тийресинде тургъан «ПАЗ» автобусла кюйгендиле. Алай бла 14-чю номерли пассажир маршрутну жалчытхан 7 «ПАЗ» автобус жаннганды.

14-21 ноябрьде битеуроссей экология диктант бардырылады. Ол Кир-кипчикни жангыдан жарашдырыуну битеудуния кюнюне аталып къуралады. 

Элбрус районда грек-рим тутушуу спортну эм айныгъан тюрлюсюдю десек, жангыллыкъ тюйюлбюз. Сабийле, жаш тёлю да аны айырып сайлайдыла. Районда классикалы тутушууну тарыхы 55 жыл мындан алгъа башланады, ол кезиуде 1966 жылда Тырныауузну халкъ билим бериу шахар бёлюмюнде спорт школ ачылгъан эди.

Жыл сайын  къыралда инсанла налогларын декабрьни биринчисине дери тёлеп бошаргъа керекдиле. Сёз мында транспорт, мюлк эмда жер ючюн тёлеулени юсюнден барады. Налог инспекция жиберген билдириуледе аланы ёлчемлери кёргюзтюледиле. Биз а аланы къайсыларын азайтыргъа боллугъуну юсюнден айтайыкъ.

Шимал Кавказ республикалада «СКФО-ну алчыларыны школу» проектни бардырып башлагъандыла. Ол жаш тёлюню Битеуроссей миллет аралы союзуну проектиди.

МВД-ны республикада управлениясында Ич ишле органла келечисини кюнюн белгилегендиле. Байрамны Россейни ич ишле министри полицияны генералы Владимир Колокольцев бардыргъанды.

Къабарты-Малкъар Республикадан тамата класслада окъугъан юч окъуучу «Уллу перемена» деген Битеуросей конкурсда хорлагъандыла. Бечелланы Айдана Нальчикни алтынчы школунда, Амир Гоноков бешинчи мектебинде окъуйдула. Жаболаны Ахмат  «Кюн шахар» Сабий чыгъармачылыкъны академиясда   билим алады.

Россей Федерацияны Правительствосуну вице-премьери Марат Хуснуллинни башчылыгъында Регионланы айнытыу жаны бла правительстволу коммиссияны жыйылыуу болгъанды.

Юра Борсовну башчылыгъында Чегем районну делегациясы алгъаракъда Карачаевск шахарда болгъанды. Ала муниципалитетни башчысы Дотдаланы Альберт бла ишчи байламлыкъла тохташдыргъандыла.

Къырал берген болушлукъну хайырындан бизни республикада гитче эмда орта предпринимательство (МСП) бла кюрешгенлени пандемияны кезиуюнде онгдурургъа амал болгъанды, дегендиле КъМР-ни Экономиканы айнытыу министерствосунда.