Жэпуэгъуэм и 12-м КъБКъУ-м щекIуэкIащ «Кавказ Ищхъэрэ щIы­налъэм хуэлъэ уз зэрыцIалэ­хэм» ­ятеухуа щIэныгъэ-практикэ ­зэ­IущIэ. Абы кърихьэлIат ди гъунэгъу щIыналъэхэм я лIыкIуэ 200-м щIигъу.

ХьэщIэхэр къригъэблагъэу, кърахьэжьа Iуэху дахэм щIэныгъэ щхьэпэ къыхахыну конференцым хэтхэм ­хъуэхъукIэ захуигъэзащ КъБР-м узыншагъэр хъумэнымкIэ и министр Хъубий Марат.
«Зи IэщIагъэм фIыуэ хэзыщIыкI, илъэс куэд щIауэ абы ирилажьэ, щIэныгъэшхуэ зыбгъэдэлъ дохутырхэр щызэIущIэ зэхуэсхэр щхьэпэщ. Абыхэм Iэмал къуат щIэуэ щыIэм теу­хуауэ узэчэнджэщыну, щIыналъэм къы­пэщыт къалэнхэр пыухыкIауэ къыбгурыIуэну. Конференцыр зытеу­хуар уз зэрыцIалэхэм еIэзэ ди доху­- тырхэр махуэ къэс зыхэт Iуэхухэрщ. Абы ехьэлIауэ дохутыр куэд къыщып­сэ­лъэнущ мы зэIущIэми, согугъэ мыбдеж къыщыфщIэну псори къыф­хуэщхьэпэну», - къыхигъэщащ министрым.
Конференцым щытепсэлъыхьащ Кавказ Ищхъэрэ федеральнэ щIыналъэмрэ Ипщэ федеральнэ щIыналъэмрэ нэхъ яхуэлъэ уз зэрыцIалэхэр къызыхэкIымрэ абыхэм зэрызауб­гъумрэ ахэр къэмыхъеин папщIэ цIыху­хэм ехьэлIэн хуей хущхъуэхэм,  гепатит ­С-мрэ герпесымрэ зэреIэзэ щIыкIэм щIэуэ къыхыхьам.
ЗэIущIэр къызэрагъэпэщащ  УФ-мрэ ­КъБР-рэ Узыншагъэр хъумэнымкIэ я министерствэхэм, СПИД-мрэ уз зэ­рыцIалэхэм япэщIэтынымкIэ КъБР-м  и IуэхущIапIэм, КъБКъУ-м медици­нэмкIэ и къудамэм, инфекционистхэм я щIыналъэ зэгухьэныгъэм, нэ­гъуэщI­хэми.