КъБР-м щыIэ УФССП-м Iуэху гуапэ щекIуэкIащ Урысей Федерацэм и Къэрал махуэшхуэм ирихьэлIэу - ехъулIэныгъэ лъагэхэр зыIэрызыгъэхьа я лэжьакIуэхэм дамыгъэ лъапIэхэр иратащ.
Урысейм и суд приставхэм я федеральнэ къулыкъум и управленэу КъБР-м щыIэм и унафэщI — Къэбэрдей-Балъкъэр Республикэм и Суд пристав нэхъыщхьэ Бауаев Ахъмэт зэIущIэ гуапэр къызэIуихри, къызэхуэсахэм Урысейм и махуэшхуэ къэблэгъамкIэ ехъуэхъуащ.
Управленэм и лэжьакIуэ нэхъыфIхэм хуагъэфэщащ «За службу» медалым и I, II, III-нэ нагъыщэхэр.
Къэбэрдей-Балъкъэрым и суд пристав нэхъыщхьэм махуэшхуэ зэхуэсым кърихьэлIахэм яжриIащ адэкIи Урысейм и сэбэп зыхэлъ лэжьыгъэ купщIафIэ ирахьэкIмэ зэригуапэр.
БАЛЭ Азамэт.
