|
|
ДУНЕЙПСО ЗЭIУЩIЭМ ХЭТЫНУЩ
15 июня, 2023 - 04:47
КъБР-м Экономикэ зыужьыныгъэмкIэ и министерствэм хъыбар къызэритамкIэ, мэкъуауэгъуэм и 14 - 17-хэм Бытырбыху щекIуэкIыну «Экспофорум» дунейпсо экономикэ зэхуэсышхуэм и лэжьыгъэм хэтынущ.
Къэбэрдей-Балъкъэрым и цIэкIэ абы хэтынущ КъБР-м и Iэтащхьэ КIуэкIуэ Казбек, КъБР-м и лIыкIуэу УФ-м и Президентым деж щыIэ Быкъыш Ратмир, КъБР-м экономикэ зыужьыныгъэмкIэ и министр Рахаев Борис, «КъБР-м зиужьынымкIэ корпорацэ» зэгухьэныгъэм и унафэщI Чочаев Ахъмэт сымэ.
Абыхэм КъБР-м и жылагъуэ экономикэр къэIэтыным хуэунэтIауэ Iуэхугъуэ зыбжанэ зэфIахыну я гугъэщ. Апхуэдэу Коми Республикэм, Мэзкуу къалэм и Правительствэм, Киров щIыналъэм зэгурыIуэныгъэ иращIылIэнущ, щIэныгъэ, экономикэ, щэнхабзэ я лъэныкъуэкIэ зэдэлэжьэным хуэунэтIауэ. Абы къищынэмыщIауэ, Пятигорск (Псыхуабэ) къалэм дэт, «Мэшыкъуэ» зи фIэщыгъэ урысейпсо щIэныгъэ центрым зэрыдэлэжьэну программэр ягъэпсынущ, ди щIыналъэм ит IуэхущIапIэхэр центрым къигъэув Iуэхугъуэхэм жыджэру хыхьэ зэрыхъунум тепсэлъыхьынущ. Мыхьэнэшхуэ иIэнущ «Урысейм технопаркхэмрэ кластерхэмрэ зыщегъэужьынымкIэ зэгухьэныгъэм» иращIылIэну зэгурыIуэныгъэми. Абы щIыналъэхэм я инфраструктурэм зиужьынымкIэ бгъэдэлъ зэфIэкIыр Къэбэрдей-Балъкъэрым къэхьын зэрыхуеймкIэ псори зэдэарэзыщ.
Махуэ зыбжанэкIэ Бытырбыху щекIуэкIыну экономикэ зэхуэсым хэтынухэр Iэнэ хъурей зыбжанэм я лэжьыгъэм, къэралымрэ щIыналъэхэмрэ я зыужьыныгъэм ехьэлIауэ щыIэ Iуэху еплъыкIэхэмкIэ щызэныкъуэкъу утыкухэм хыхьэнущ. КъБР-м и Iэтащхьэ КIуэкIуэ Казбек УФ-м и Къэрал Советым и зэIущIэ убгъуам хэтынущ, «Экономикэмрэ финансхэмрэ», «Энергетикэ» зыфIаща унэтIыныгъэхэм къыщыпсэлъэнущ. КъызэгъэпэщакIуэхэм зэрыжаIэмкIэ, зэIущIэм къыщыпсэлъэнущ УФ-м и Президент Путин Владимир.
Къыхэгъэщын хуейщ Бытырбыху щызэхашэ дунейпсо экономикэ зэхуэсыр Iуэхугъуэ зэмылIэужьыгъуэхэмкIэ гъэнщIа, къэрал куэдым я дежкIэ мыхьэнэ зиIэ зэхыхьэу зэрыщытыр. Зэхуэсыр къызэрыунэхурэ блэкIа илъэс 25-м къриубыдэу къыщаIэт Iуэхугъуэхэмрэ ахэр гъащIэм хэпщэным ехьэлIауэ къыхалъхьэ жэрдэмхэмкIэ утыкушхуэ хъуащ, дунейпсо экономикэм и гъэшыкIэ-гъэзапIэхэр щызэпкърах, технологиемрэ промышленностымрэ къыщыхъу зэхъуэкIыныгъэхэмрэ къыщыхалъхьэ ехъулIэныгъэхэмрэ къэгъэсэбэпыным теухуауэ псалъэмакъхэр щрагъэкIуэкI щIэнIуэтапIэ нэсу зыкъигъэлъэгъуащ.
ШУРДЫМ Динэ.
 |
15.05.2024 - 09:32 Музыкэ театрым накъыгъэм и 7-м концерт гукъинэж щитащ Урысей Федерацэм, Къэбэрдей-Балъкъэр, Къэрэшей-Шэрджэс республикэхэм щIыхь зиIэ я артист, оперэ уэрэджыIакIуэ цIэрыIуэ, Музыкэ театрым и солист |
 |
15.05.2024 - 09:31 Бахъсэн щIыналъэм хиубыдэ къуажэхэм фэеплъ пэкIухэр, зэIущIэхэр, зэхуэсхэр щрагъэкIуэкIащ Хэку зауэшхуэм ТекIуэныгъэр къызэрыщытхьрэ илъэс 79-рэ щрикъум ирихьэлIэу. |
 |
15.05.2024 - 09:29 1941 - 1945 гъэхэм екIуэкIа Хэку зауэшхуэм ди къэралым ТекIуэныгъэ Иныр къызэрыщихьрэ илъэс 79-рэ зэрырикъур дэнэкIи Iэтауэ щагъэлъэпIащ. |
 |
15.05.2024 - 09:27 Прохладнэ районым и полицейхэмрэ жылагъуэ лэжьакIуэхэмрэ Прохладнэ къалэм щыпсэу, Хэку зауэшхуэм и ветеранхэу Ерохинэ Аннэ, Шайн Владимир, Головин Владимир сымэ я деж щыIащ икIи ТекIуэныгъэм и маху |
 |
15.05.2024 - 09:25 Хэку зауэшхуэр зымылъэгъуа щIэблэр абы теухуа уэрэдхэм, усэ-хэм дыщедаIуэкIэ, фильм дыщеплъыжкIэ, дэтхэнэми и щIыфэр егъэтхытх, гущIэгъуншагъэрэ залымыгъэу зэрахьамрэ зыхэтщIэу. |
|
