КъМР-ни Башчысы Казбек Коков 2022 жылда бардырыллыкъ Къабарты-Малкъар Республиканы къуралыууну 100-жыллыкъ байрамына хазырланыу жаны бла къурау комитетни жыйлыуун бардыргъанды.

Къабарты-Малкъар Республиканы Башчысы Казбек Коков Майский шахарны битеулю билим берген школуну ингилиз тилден устазы Карина Кушхова бла тюбешгенди, ол быйыл октябрьде «Жылны устазы-2021» Битеуроссей эришиуню лауреаты болгъанды, Россейни 15 эм иги устазыны санына къошулгъанды.

Къачан да миллетибиз деп айтдыргъан, бирсилеге тенг болгъанлары бла чекленмей, ал сатырда таукел баралгъан жашларыбыз бла къызларыбыз ёхтемлигибиздиле. Ала илмуда, медицинада, билим бериуде, бирси бёлюмледе да жетишимли уруна, тамблагъы кюнюбюзге ышанмакълыкъны бютюн кючлейдиле.

Батчаланы Шахмырзаны жашы Исмайылни кесин танымагъанма, алай «Заман» («Коммунизмге жол») газетде ишлеп тургъан Ностуланы Магометден, Къулбайланы Алийден, Теммоланы Мухадинден хапарын эшитип тургъанма. Юй бийчеси Шахийдат да редакцияда кёп жылланы ишлегенди, пенсиягъа да ма мындан чыкъгъанды.

Дунияда хар адамны жюреги сюйген, жаны кибик кёрген заты болмай къалмайды. Батчаланы  Аминатха уа ол – музыкады, аны фортепианосуду. Аминат Алиевна Нальчикде биринчи номерли Искусстволаны школуну директоруну окъуу иш жаны бла орунбасарыды.

Къабарты-Малкъар къырал  бийик тау заповедникни 45 –жыллыгъына аталып  «Россейни энчи сакъланнган жерлерини къанатлылары» деген сурат кёрмюч ачылгъанды. Ол юбилейге жораланнган программаны чеклеринде бардырылады. 

Эпидемиология хал осалдан-осал бара баргъаны бла байламлы КъМР-ни Башчысы Казбек Коков коронавирус ауруугъа къажау жангы мадарла кийириуню юсюнден указгъа къол салгъанды. Ол 27 октябрьден башлап кючюне киреди.

Кёп болмай КъМР-ни Эл мюлк министерствосунда Масим Панаговну башчылыгъы бла ведомствону жамауат советини кенгеши болгъанды. Анга эл мюлк министр Хасан Сижажев да къатышханды. Тюбешиуде этилген эмда тамамланыргъа тийишли ишле белгиленнгендиле.

КъМР-де Ич ишле министерствону коллегиясы видеоконференция байламлыкъла халда ётгенди. Аны Къабарты-Малкъарда МВД-ны башчысыны  къуллугъун болжаллы халда толтургъан Назир Мамхегов бардыргъанды. 

Бу сурат сюргюнню кезиуюнде Къыргъызстанда Къызыл-Къаяда алыннганды. Сол жанында сюелген жашчыкъ Атабийланы Жамал Бабугентден белгили сыбызгъычы Атабийланы Мазанны уланыды. Ортадагъы абадан тиширыу Жамалны анасыны анасы, Жеттеланы Исмайылны юйдегиси Черкесланы Атабийни къызы Кулизарды.