ЩIЫНАЛЪЭ ЗЭХЬЭЗЭХУЭМ ЩЫТОКIУЭ

19 января, 2022 - 06:58

Шэшэн республикэм и къалащхьэ Грознэ дэт «Олимпийск» спорт комплексым и алэрыбгъухэм щекIуэкIащ самбомкIэ Кавказ Ищхъэрэ федеральнэ щIыналъэм и зэхьэзэхуэ. Абы хэтащ щIыналъэм хыхьэ республикэхэм къикIа илъэс I6-20-м ит ныбжьыщIэ 200-м щIигъу.
Къбэрдей-Балъкъэрым самбомкIэ и камндэ къыхэхам и тренер нэхъыжь Уэщхъун СулътIан хъыбар къызэрыдигъэщIамкIэ, ди республикэм и бэнакIуэхэм зэхьэзэхуэм медаль зэмылIэужьыгъуэу 5 къыщахьащ.
Зи хьэлъагъыр килограмм 58-м нэблагъэхэм я зэпэщIэтыныгъэм дыщэ медалыр щызыIэригъэхьащ Беслъэней Темырлан. Килограмм 98-м щIигъу Мамий Тамирлан щыбэна гупым къыщыпэлъэщын къыхэкIакъым. Дыжьын медалыр къихьащ килограмм 58-м нэблагъэ Мусаев Юсуф.
Зэхьэзэхуэм и ещанэ увыпIэхэр яубыдащ килограмм 53-м нэблагъэ КъуэщIысокъуэ Идаррэ килограмм 98-м щIигъу Тау Артуррэ.
Спортсменхэр ягъасэ ПщIэнашэ Мурат, Ким Руслан, Махуэ Олег сымэ.
«Ди спортсменхэмрэ тренерхэмрэ къабгъэдэкIыу фIыщIэ хузощI Кавказ Ищхъэрэ федеральнэ щIыналъэм самбомкIэ и федерацэм и президент Степанов Кирилл, Кавказ Ищхъэрэм самбом зыщегъэужьыным и къарурэ и мылъкурэ зэрыхилъхьэм папщIэ», - къыхигъэщащ Уэщхъун СулътIан.

Жыласэ Замир.

  • 6 просмотров

Поделиться:

ЧИТАТЬ ТАКЖЕ:

26.04.2024 - 17:08

ФЭЕПЛЪ ЖЫГ ХАДЭХЭР ЯГЪЭТIЫСЫНУЩ

Урысейм мы гъэм етхуанэу щекIуэкIынущ къыдэкIуэтей щIэблэм я зэхэщIыкIым хэзыгъахъуэ, я щIэжым лъабжьэ быдэ езыгъэщI Iуэхугъуэ дахэ.
26.04.2024 - 17:07

ТЫЗЫЛЫКЪУЭР ПЭЩIЭДЗЭТ

Ди республикэм къухьэпIэмкIэ щежэх Балъкъ и псыхъуэм щхьэщылъагыкI Къэнжал бгыщхьэ тафэ хэшам и Iэхэлъахэм I708 гъэм зыщызэпашауэ щытащ Кърым хъаныгъуэу къэзыухъуреихь лъэпкъхэмрэ къэралыгъуэхэмрэ

26.04.2024 - 09:05

УЭРАМЫР КЪАГЪЭЩIЭРЭЩIЭЖ

Бахъсэн щIыналъэм хыхьэ Дыгулыбгъуей къуажэм мы махуэхэм щызэрагъэпэщыж Бахъсэным и цIэр зезыхьэ уэрам нэхъыщхьэр.
26.04.2024 - 09:03

ОЛИМП ЧЕМПИОНЫР ЯЩЫГЪУПЩЭРКЪЫМ

Олимп джэгухэм я чемпион Новиков Сергей и фэеплъ дунейпсо зэхьэзэхуэ универсальнэ зауэмкIэ (Унифайт) Мэзкуу областым и Домодедовэ къалэм иджыблагъэ щекIуэкIащ.
26.04.2024 - 09:03

КУБОКЫР КЪЫЗДАШЭ

Краснодар крайм иджыблагъэ щрагъэкIуэкIащ Кубаным и Кубокыр футболымкIэ къэхьыным хуэунэтIа зэхьэзэхуэ зэIуха. Саугъэт лъапIэм щIэбэнащ къэралым и щIыналъэхэм щыщ ныбжьыщIи 150-м щIигъу.