Истамбыл (Тыркум) щекIуэкIащ ТхэквондомкIэ дунейпсо федерацэм и президентым и Европей кубокыр къэхьыным хухэха олимп тхэквондомкIэ  VI дунейпсо зэхьэзэхуэ.
Кавказ Ищхъэрэ федеральнэ щIыналъэм тхэквондомкIэ и федерацэм и секретарь нэхъыщхьэ Къанкъул Беслъэн хъыбар къызэрыдигъэщIамкIэ, Къэбэрдей-Балъкъэрым щыщ спорстменхэм а зэпеуэм медаль зэмылIэужьыгъуищ къыщахьащ. Зи хьэлъагъыр килограмм 44-м нэблагъэ Бекъул Миланэ зыхэта гупым зэIущIиплI щригъэкIуэкIам псоми щытекIуащ ( тIур нокауткIэ) икIи дыщэ медалыр зыIэригъэхьащ. Урысейм и командэ къыхэхам иджыри зы дыщэ медаль къыхуихьащ килограмм 51-рэ зи хьэлъагъ Щокъуий Ислъам.   
ЦIыху  нэхъыбэ дыдэ зыхэта килограмм 55-рэ нэблагъэхэм я гупым дыжьын медалыр щызыIэригъэхьащ Ахъмэт Дамир.
Зи цIэ къитIуахэм Iэмал къахукъуэкIащ илъэс къакIуэ екIуэкIыну  Европэм и зэхьэзэхуэм хэтыну. Спортсменхэр егъасэ Ахъмэт Амир.
 

Къэхъун Бэч.