Къэбэрдей-Балъкъэр Республикэм и Конституцэмрэ Къэбэрдей-Балъкъэр Республикэм и Законхэмрэ халъхьэну зэхъуэкIыныгъэхэм елэжьыну гупым и япэ зэIущIэр екIуэкIащ.
КъБР-м и Парламентым Законодательствэмрэ щIыпIэ самоуп­равленэмкIэ и комитетым и уна­фэщI Мэлбахъуэ Борис зэIущIэр къыщызэIуихым къыхигъэщащ ­КъБР-м и Парламентым и спикерым и унафэкIэ лэжьакIуэ гуп къы­зэрызэрагъэпэщар.
- ЛэжьакIуэ гупым я пщэ къыдэхуэ къалэнхэм я мыхьэнэр зэрыиным къыхэкIыу абы хагъэхьащ къэрал властым и къудамэ псоми я лIыкIуэхэр: хабзэубзыху, гъэзэщIакIуэ, щIыналъэ, апхуэдэуи, кIэлъыплъакIуэ, суд ­къулыкъущIапIэхэмрэ жылагъуэ зэгухьэныгъэхэмрэ, щIэныгъэлIхэр.
- Гупыр зэлэжьынур Къэбэрдей-Балъкъэрым и Конституцэм и закъуэкъым, атIэ Къэбэрдей-Балъкъэрым и Законхэм зэхъуэкIыныгъэхэр хэлъ­хьэныр къигъэуву Урысей Федерацэм и Конституцэм халъхьхьэжа ­зэ­хъуэкIыныгъэхэм къару зэрагъуэтам ипкъ иткIэ, республикэ законода­тельствэм адэкIэ зэрызрагъэужьыну Iэмалхэми иужь итынущ. Къэбэрдей-Балъкъэр Республикэм и Конституцэм халъхьэжынум теухуа гупсысэхэр 2020 гъэм дыгъэгъазэм и 1 пщIондэ дгъэхьэзырын хуейщ, - жиIащ Мэлбахъуэм.
ЗэIущIэм хэтахэр зэчэнджэщащ лэжьыгъэр зэрырагъэкIуэкIыну щIы­кIэм теухуауэ.