КъМР-да МВД-ни Наркотиклени законсуз сатыу-алыугъа къажау кюреш бардыргъан управлениясыны келечилери мас-рестлингден «Спорт наркотиклеге къажауду» деген турнирге къатышхандыла. Бу чемпионат «Нальчик» спорт арада «Сабийлерибизни саулукълары эм къоркъуусузлукълары» деген акцияны чеклеринде 9-чу кере бардырылады.
Эришиуле къууанчлы халда ачылгъандыла. Анда алгъыш сёз бла КъМР-да МВД-ны Наркотиклени законсуз сатыу-алыугъа къажау кюреш бардыргъан управлениясыны тамата оперуполномоченныйы, полицияны подполковниги Ирина Давыдова сёлешгенди. Ол жаш тёлюню жашауларын наркотикле бла байламазгъа чакъыргъанды. Ызы бла уа араларында чыкъгъан даулашланы тутушуу кюйюзде тамамларларын тежегенди. Андан сора сейир тутушуула башланнгандыла, алагъа къараргъа спортчуланы ата-аналары да келгендиле.
Эришиулени кезиулеринде алагъа къатышханла, къараучула да наркотиклеге къажау амалланы юслеринден ушакъ бардыргъандыла.
Тутушууда эм кючлюлеге уа ыспас къагъытла эм майдалла бла саугъалагъандыла, деп билдиредиле КъМР-да МВД-ни пресс-службасындан.
Гайыланы Алима.
