Урысей гвардием и управленэу КъБР-м щыIэм и лIыкIуэхэр щIыналъэ пощт IуэхущIапIэм и лэжьакIуэхэм ехъуэхъуащ Пощ­тым и махуэмкIэ. Мы гъэм ар техуащ бадзэуэгъуэм и 10-м.

Илъэс куэд лъандэрэ зэрызэпыщIам икIи жыджэру зэры­зэ­дэлажьэм папщIэ щIыналъэ управленэм и унафэщIым и къалэнхэр пIалъэкIэ зыгъэзащIэ, полицэм и полковник Мэш Мурат къыбгъэдэкI фIыщIэ тхылъыр республикэ пощт IэнатIэм и унафэщI Вэрокъуэ Заур иритыжащ Урысей гвардием къулыкъу щызыщIэ Литовкэ Ни­колай.
«Пощтым и лэжьакIуэхэм дохъуэхъу икIи фIыщIэ яхудощI я лэжьыгъэм, бжыгъэр зи лъабжьэ технологиехэм хуабжьу зыщаужьа мы зэманми мыхьэнэшхуэ зиIэм, папщIэ», - жиIащ Литовкэ.
Вэрокъуэ Заур къыхуащIа гулъытэм папщIэ фIыщIэ яхуищIащ икIи жиIащ дяпэкIи я зэпыщIэныгъэхэр нэхъ быдэ хъуну зэрыщыгугъыр.

Къан Мырзэ.