НАЛШЫК ДЫГЪЭIЭПХЪУЭЖ

КIэ зимыIэ хъыбархэм зыщIыпIэ щытекIуахэр, япэ увыпIэ къэзыхьахэр, зи цIэр хуабжьу Iуахэр къахэтпхъуэтыкI щхьэкIэ, гъащIэм и IэфIыр зыхъумэр пщIэи щIыхьи мылъыхъуэу, и напэм къыжриIэр зыщIэхэрщ. Налшык теухуа гукъыдэж дахэ къызэрыхэщым дригъэхъуапсэри, жытIэр уи фIэщ зыщI зы къэхъукъащIэ адыгэбзэм къэдгъэIэпхъуащ ди щIэджыкIакIуэхэм папщIэ. 
 «Документ гуэрхэм я ужь ситу Налшык сыкъакIуэрэ пэт, автобусым си бохъшэр щыскIэрыхуауэ е щрадыгъукIауэ къыщIэкIащ. Си жыпым жьгъей илъти, маршруткэм естыну ар схурикъуащ. Аращ собесым сынэсыху сызэрыбохъшэншэм (банкым ахъшэ къызэрисх картэри абы дэлът) гу щIылъызмытар. Си чэзур къыщысынум сежьэу сетIысэха нэужьщ а псом гу щылъыстар. Къыщызэджэнум сыпэплъэу сыздэщысым си сумкэм соIэбэри, бохъшэр дэлъкъым. Угужьеинтэкъэ?! Си нэпсхэр щIэту си щхьэгъусэм телефонкIэ сопсалъэ, бохъшэр зэрысфIадыгъуари гъуэгупщIэ зэрызмыIыгъри жесIэу. «ЗгъэкIуэдами ядыгъуами сщIэркъым, дауэ сэ сызэрынэкIуэжынур?» - си гъы макъым сыхуэсакъынуи сигу къэкIыжакъым. Абы мыгувэу къакIуэу сишэжыну сыкъегъэгугъэри, зыгуэру сегъэбэяуж. Асыхьэтым, фи фIэщ хъурэ, сэ сэщхьу и чэзум пэплъэу цIыхухъуихрэ цIыхубзитIрэ щысти, ДЭТХЭНЭ ЗЫМИ и жыпым соми I00 е 200 кърихри, къызбгъэдыхьэурэ си жыпым къракуащ. «Хэт апхуэдэ къызыщымыщIыр?» - жаIэурэ сытрагъэурт, самыгъэукIытэн щхьэкIэ. СызыщIыхьэн хуей кабинетым щIэсхэми къэхъуар зэхахати, сом сIамыхыу напэ 30 ксерокопие схуащIри къызатыжащ. Къалэм сыщыщтэкъыми, игъащIэм сымылъэгъуа цIыхухэр къызэрысхущытыр зэрызгъэщIэгъуэнур сымыщIэу сыкъэуIэбжьат. Ар къыщыхъуар ди къалэрауэ щытамэ, цIыхухэр къыпщыдыхьэшхынти блэкIынт. «КхъыIэ, Налшык дыгъэIэпхъуэж, ди сабийхэр апхуэдиз цIыхуфI зыдэс къалэм къыщыхъун хуэдэу», - жызоIэри солъэIу иджы си щхьэгъусэм». 
Хъыбарыр зэбгрызытыкIар «Черкесский ренессанс» телеграм напэкIуэцIырщ. 
 

ЧЭРИМ Марианнэ.

Поделиться:

ЧИТАТЬ ТАКЖЕ:

17.04.2024 - 16:08

СПОРТСМЕНХЭР ЯГЪЭЛЪАПIЭ

Мэлыжьыхьым и 5 - 9-хэм Анапэ къалэм щекIуэкIащ Урысей МВД-м IэпщэрыбанэмкIэ и чемпионат. Абы япэ увыпIэр къыщихьащ КъБР-м щыIэ МВД-м и гупым. 

17.04.2024 - 16:05

ДУНЕЙПСО ЩIЭИНЫМ И МАХУЭ

«Тхыдэ мыхьэнэ зиIэ щIыпIэхэр дывгъэхъумэ» къыхуеджэныгъэм щIэту а махуэр гъэ къэс гъэлъэпIэным теухуа унафэр 1982 гъэм ЮНЕСКО зэгухьэныгъэм Фэеплъхэмрэ щIыпIэ хьэлэмэтхэмрэ хъумэнымкIэ и дунейпсо

17.04.2024 - 09:01

ЩIЫХЬЫЦIЭ КЪЫХУАГЪЭФАЩЭ

Къэбэрдей-Балъкъэр, Къэрэшей-Шэрджэс, Адыгэ, Ингуш, Осетие Ищхъэрэ - Алание республикэхэм я цIыхубэ артист, «Адыгейм и ЩIыхь» медалыр зыхуагъэфэща уэрэджыIакIуэ цIэрыIуэ Нэхущ Чэрим иджыблагъэ къра

17.04.2024 - 09:01

ДУНЕЙ ПСОМ ЩЫЦIЭРЫIУЭ АДЫГЭ БЗЫЛЪХУГЪЭМ ТЕУХУАУЭ

Котляровхэ Мариерэ Викторрэ я тхылъ тедзапIэм къыщыдэкIащ дунейм щыцIэрыIуэ бзылъхугъэ Хьэгъундокъуэ Елмэсхъан теухуа «Черкешенка» тхылъыр.

17.04.2024 - 09:00

ВАГЪУИЩЫМ Я НЭХЪ ЦIЫКIУМ

Астрономхэм къызэрахутауэ, ди Дыгъэм хуэдгъэдэну нэхъ тпэгъунэгъуу уахэм зыщызыгъазэр вагъуищу зэхэт Альфа Центаврэ гуэрэным хыхьэ Проксимэ Центаврэщ.