КъБР-м и Iэтащхьэ КIуэкIуэ Казбек иригъэкIуэкIащ Къэ­бэрдей-Балъкъэрым КъэхъукъащIэ шынагъуэ къэмыгъэхъунымрэ абы къиша лъэу­жьыр гъэзэкIуэжынымкIэ, мафIэс шынагъуэншагъэр къы­зэгъэпэщынымкIэ и комиссэм хэтхэм я зэIущIэ.

КъБР-м и Парламентым и УнафэщI Егоровэ Татьянэ «ХъуэпсапIэхэм я псей» урысейпсо псапащIэ Iуэхум хэтащ икIи республикэм ис сабийхэр игъэгуфIащ.

Къэбэрдей-Балъкъэр Республикэр къызэрызэрагъэпэщрэ илъэси 100 зэрырикъум и щIыхькIэ ирагъэкIуэкI Iуэхухэм хыхьэу, ЩоджэнцIыкIу Алий и цIэр зезыхьэ Къэбэрдей къэрал драмэ театрым щагъэлъэгъуащ журналист Магомедовэ ФатIимэ и Iэдакъэ къыщIэкIа «Зы сэлэтым и хъыбар» пьесэм къытращIыкIа спектаклыр. 

ИлъэсыщIэм ипэ къихуэу КъБКъУ-м и залышхуэм концерт гукъи­нэжкIэ щы­зэхуащIыжащ «Амикс» ансамблым и унафэщI Къул Амиррэ Ланэрэ къызэрагъэпэща «Клуб за 30» проектым и япэ Iыхьэр. 

КъБР-м и Парламентым Физическэ культурэмкIэ, спортымрэ туризмэмкIэ и комитетым и жэрдэмкIэ, видеозэ­пыщIэныгъэ IэмалкIэ ди республикэм и санаторэ-курорт IуэхущIапIэхэм я Iуэху зытетым зыщагъэгъуэзащ депутатхэмрэ къулыкъущIэхэм­рэ. 

Налшык Профсоюзхэм ЩэнхабзэмкIэ я унэм дыгъэгъазэм и 14 - 15-хэм гуапэу къыщ­рагъэблэгъащ Адыгэ Республикэм цIыхубэ къафэхэмкIэ и «Налмэс» къэрал академи­ческэ ансамблыр икIи концерт гукъинэж ­щитащ. Ансамбль цIэрыIуэр илъэс 85-рэ зэрырикъум и щIыхькIэ Кавказ Ищхъэрэм и къалэхэм щата программэ телъыджэхэм язщ пшыхь щIэщыгъуэр. 

Ставрополь щылажьэ «Адыгэхэр» щэнхабзэ центрым иджыблагъэ утыку кърихьащ «Адыгэхэм я гъуазджэ дунейр» проект телъыджэр. Зы сыхьэткIэ екIуэкI документальнэ ­фильмым хэтщ зи IэпэIэсагъкIэ Кавказ Ищхъэрэм и мызакъуэу, къэрал псом цIэрыIуэ щыхъуа цIыхуитху. Ахэр Еутых Iэсият, Сэралъп Мадинэ, Сэт Сафиет, ГъукIэ Замудин, Мэзло ­Руслан сымэщ. 

КъБР-м и Парламентым и депутатхэр яIущIащ «ДыгъафIэ къалэ» Сабий академием и гъэсэнхэм. Лицейм и 7 - 11-нэ класс­хэм щIэсхэм Егъэ­джэ­ныгъэмкIэ, щIэныгъэмрэ щIалэгъуалэм я IуэхухэмкIэ и комитетым и жэрдэмкIэ драгъэкIуэкIа зэ­хыхьэр теухуауэ щытащ сабийхэм гъэсэныгъэм и мыхьэнэр къазэрыгу­ры­Iуэм. 

IэщIагъэлI нэс, къызэгъэпэща­кIуэ Iэзэ, унафэщI гумызагъэ… А псори зэхуэдэу фIыуэ зэхъулIэ куэд щыIэу къыщIэкIынкъым. Ауэ апхуэдэу щыт цIыхум и зэфIэкIыр зэрылъагэми и IэнатIэм ехъулIэ­ныгъэ зэрыщиIэми шэч хэлъыжкъым. Абы и щапхъэщ Прохладнэ район сымаджэщым и дохутыр нэхъыщхьэ Щомахуэ Зитэ.

Налшык дэт «Тхылъ щытрадзэ пщIантIэм» иджыблагъэ къыщыдэкIащ ­КъБР-м щэнхабзэмкIэ щIыхь зиIэ и лэжьакIуэ, Урысей артиадэм и лауреат, уэрэдус, уэрэджыIакIуэ, егъэджакIуэ ЗэрамыщIэ Заретэ «Лъахэ уэрэдхэр» зыфIища и уэрэдылъэр.