Олимпиаданы халкъла аралы комитетини (МОК) президенти Томас Бах Россейни атлетлерине Олимпиадагъа  къатышхандагъа жангы чекле салынырыкъларын, ала эришиулеге жангызда бу жорукъланы къабыл кёрселе жиберилликлерин билдиргенди.

Къабарты-Малкъар къырал университетни   Медицина  колледжини студентлери «Билим бериу» миллет проектни чеклеринде бардырылгъан «Россей Федерацияны инсанларын  патриот сезимде юйретиу»  федерал проектге  къатышадыла.

МВД-ны Къабарты-Малкъарда экстремизмге къажау бёлюмюнде къуллукъ этгенле-излеу ишлени кезиуюнде ФСБ-ны КъМР-да  управлениясыны келечилери бла бирге алгъын  да эркинлиги сыйырылгъан 37-жыллыкъ эр кишини юйюнде сауутла бла окъла тапхандыла.

Нальчикде спортну къаялагъа ёрлеу тюрлюсюнден  фестиваль бардырылгъанды. Анга Нальчикден, Владикавказдан, Пятигорскден, Геленджикден, Ставропольдан, Армавирден, Краснодардан жюзге жууукъ спортчу къатышхандыла – 7 жылдан 17 жылгъа дери жаш адамла.  

КъМР-ны Урунуу эмда социал къоруулау министерствосундан билдиргенлерича, 14 апрельде  10.00 сагъатда Нальчикде Къырал концерт залда «Россейде ишлеу. Амалланы кезиую. Бюгюн бирге тамблабызны къурайбыз» деген ат  бла ишчи жерлени битеуроссей ярмаркасы ётерикди.

Какаону сюймеген хазна адам болмаз. Ол бек татыулу, кюч-къарыу берген, адамны саулугъун кючлендирген, кеси да хайырлы затладан бай болгъан ашды. Аны татыуун сабийликден окъуна тутабыз эсибизде. Совет Союзну заманларында аны сабий садикледе окъуна бериучю эдиле.

РусГидро компанияны Къабарты-Малкъарда бёлюмюню пресс-службасындан билдиргенлерине кёре, республикада гидроэлектростанцияла суу кётюрюлюу кезиуге толу хазырланнгандыла.

Жыл сайын экинчи апрельде Россейни бла Беларусьну халкъларыны бирлешиу кюню белгиленеди. Ма ол кюн 1996 жылда эки къыралны президентлери Борис Ельцин бла Александр Лукашенко Москвада Россейни бла Беларусьну Жамауатын къурау келишимге къол салгъан эдиле.

КъМР-ни саулукъ сакълау министири Рустам Калибатов бу  айны онусунда  ишчи жолучулугъуну чеклеринде  коллегалары бла Черек районну ара больницасыны поликлиникасында  приём  бардырлыкъды.  Консультация 11:00 сагъатда башланырыкъды. 

Саранскда регбиден Мордовия Республиканы кубогу бардырылгъанды. Анга Пензадан, Къазандан, Саранскдан, Москвадан, Чебоксарыден, Ульяновскдан, Самарадан, Ногинскден бла бизни республикадан 2010 жылда туугъан спортчуладан къуралгъан командала къатышхандыла.