1911 жылда Владикавказ темир жолну китап басмасы доктор А. Кобылинни халкъны саулугъун сакълауну юсюнден орус обществода 5-чи бёлюмюне этген «Шимал Кавказны курортлары» деген докладына кёре китап чыгъаргъанды.

Кёп болмай Къабарты-Малкъар къырал университетни иш бла жалчытыу  бёлюмюню таматасы Мурат Кайцуков «Россейни студент къауумлары» биригиуню  бёлюмюню таматасыча,  Саратов шахарда  жаш тёлю организацияны битеуроссей кенгешине  къатышханды.  

Хасанияда  Фрийланы Рамазанны атын жюрютген 16-чы номерли мектепде окъугъан жашла бла къызла Россейни сабийлерини эмда жаш тёлюсюню  «Биринчилени атламлары» деген жамауат  организацияны тизгинлерине къошулгъандыла.  Ол къууанчлы ишге аталып, мектепде жыйылыу болгъанды.

«Бизни мектебибиз айтхылыкъ алим Энейланы Тимурну атын жюрютеди, биз а аны атына кир къондурур амалыбыз жокъду!» - деген сёзле бла  тюбегенди Кёнделен элде  4-чю номерли мектепни директору  Атмурзаланы Мухтар.

Россей Федерацияны правительствосуну Координация арасында бардырылгъан видеоконференцияда бизни къыралда туризмни эмда аллай инфраструктураны айнытыуну юсюнден сёлешгендиле.

Россейни МЧС-и жамауатны къоркъуусуз жашау бардырыргъа юйретиуге энчи магъана береди. Ол мурат бла республиканы билим бериу учрежденияларында профилактика ишле тамамланадыла.

РФ-ни Экономиканы айнытыу министерствосунда бардырылгъан видеоконференцияда регионлада инвестициялы Стандартны тамамлауну юсюнден сёлешгендиле.

Къабарты-Малкъарны от тюшюуге къажау-къутхарыу службада  «Физический хазырлыкъ жаны бла эм иги бёлюм» деген атха эришиуле бардырылгъандыла. Бу жумушла къутхарыучуланы патриот ниетлеге юйретир, аланы къарыуларын сынар, профессионал билимлерин ачыкълар мурат бла къуралгъанды.

«СК Нальчик» бассейнде жюзюуден биринчилик бардырылгъанды. Анга 80 адам къатышханды, ала 50 метрге эркин стиль, брасс, баттерфляй амалла эм аркъаларында жюзюп эришгендиле.

Мечиланы Кязим атлы маданият фонд ишлеп башлагъанлы беш жыл ётгенди. Ол къысха заманны ичинде анда ишлегенле этген ишлени санар онг жокъду – орус, малкъар тилде да закийни назму жыйымдыкъларын чыгъаргъандыла, анга атап этилген теле, радио бериулени саны да жокъду.