Къабарты-Малкъарны Башчысы Казбек Коков Россей Федерацияда Регионал айныу жаны бла правительстволу комиссияны президиумуну кенгешине къатышханды. Видеоконференция халда къуралгъан жыйылыуну РФ-ни Правительствосуну Председателини орунбасары Марат Хуснуллин бардыргъанды. Анда федерацияны субъектлеринде жашау журтла-коммунал мюлкню болумуну эм кюз-къыш кезиуге ЖКХ объектлени хазырлауну юсюнден сёлешиннгенди.
Кенгешни чегинде РФ-ни къурулуш эм ЖКХ министри Владимир Якушев тапландырылгъан шахар болумланы къурау жаны бла проектлени эм жылыу бериу кезиуге ЖКХ объектлени хазырланыуларыны юсюнден айтханды.
Тапландырылгъан шахар болумланы къурау программаланы толтурулууларыны кезиулю эсеплерин чыгъара, битеу къыралда 5200 жамауат кенгликлени игилендириу, аланы 32 процентинде ишле ахырына жетгенлерин белгилегенди Хуснуллин. Шахарла анда жашагъанлагъа не къадар тап болурча ол жумушну андан ары бардырыргъа тийишлиди.
РФ-ни Къурулуш эм жашу журтла-коммунал мюлк министерствосуну таматасы айтханнга кёре, тапландырыу ишле тамамланырча контрактланы 99 процентине къол салыннганды. Кенгешни чегинде жылыу бериу кезиуге  заманында эм тийишли халда хазырланырча контрольгъа энчи эс бурулгъанды.