|
|
Коррупциягъа къажау законла къалай толтурулгъанларына къаралгъанды, профилактиканы кючлендириуге эс бурулгъанды
13 августа, 2018 - 06:55
КъМР-ни Правительствосунда тюнене бардырылгъан семинар-кенгешде сёз РФ-ни коррупциягъа къажау законлары Къабарты-Малкъарда къалай толтурулгъанларыны, норматив-право актланы хазырлауда алагъа не магъана берилгенини эмда республикада бу жаны бла болумну юсюнден баргъанды. Аны ишине КъМР-ни Экономика эмда жамауат къоркъуусузлукъ жаны бла советини Секретары Казбек Татуев, КъМР-ни Башчысыны Администрациясында коррупциягъа къажау управленияны, прокуратураны, жер-жерли администрацияланы келечилери да къатышхандыла.
Кенгешни ача, Казбек Татуев къыралны айныуун тыйгъан эмда аны даражасын тюшюрген осал затладан бири коррупция болгъанын чертгенди. Аны себепли, ол оюм этгенден, анга къажау кюрешде бек алгъа аны жолун кесиуню амалларына эс бурургъа тийишлиди. Ол быйыл 29 июньда Россейде Коррупциягъа къажау кюрешни миллет планы къабыл кёрюлгенини юсюнден билдиргенди. Ол 2018-2020 жыллагъа жарашдырылгъанды. Аны баш мураты улутхачыла, аллай башха бузукълукъла этгенле жууапха тартыудан къутулмазча этиудю, профилактиканы кючлендириудю. Бизни республикада да аны подпрограммалары бардыла.
Ол планда белгиленнген ишле КъМР-де къалай тамамланнганларыны юсюнден республиканы Башчысыны Администрациясында коррупциягъа къажау управленияны таматасы Аслан Нагоев билдиргенди. Ол айтханнга кёре, бу магъаналы ишде федерал, регион эмда жер-жерли власть органланы кючлерин бирикдириу, аланы келишип ишлеулери артыкъда магъаналыды.
 |
|
13.06.2026 - 09:03 Бу айны аллында Къабарты-Малкъарны майданларында, окъуу юйлеринде А.С.Пушкинни кюнюн эм Къулийланы Къайсынны дуния алышхан кюнюн белгилегендиле. |
 |
|
13.06.2026 - 09:03 Орус география биригиуню (РГО) республикада Жаш тёлю арасы къабыры Звёздный элни къыйырында табылгъан белгисиз лётчикни атын ёмюрлюк этиу жумушла бардыргъанды.
|
 |
|
12.06.2026 - 10:01 Белгилисича, Къабарты-Малкъарда Китапланы сюйгенлени жамауат биригиулери бла Къулийланы Къайсынны Мемориал юйю-музейини ишчилери къурагъан «Къайсынны от жагъасында» деген проект ючюнчю жыл ишин ба |
 |
|
12.06.2026 - 09:03 Къабарты-Малкъарда профессионал усталыкъгъа жораланнган «Профессионалла» битеуроссей чемпионатны ахыр кесеги бардырыла турады. Бу айны биринчисинде аны Б. Г. |
 |
|
11.06.2026 - 09:23 Къабарты-Малкъарны Правительствосуну кенгешинде илму учреждениялагъа себеплик этиу, инсанланы онгдуруу, кадрла жаны бла онгланы айнытыу, билим бериу эмда социал жаны бла билеклик этиу бла байламлы |
|
