Къарачай-Черкесде каратени кёкусинкай тюрлюсюнден Домбайны кубогу бардырылгъанды, анга гитче жыл санда спортчула эм юниорла къатышхандыла. Эришиуле эки бёлюмде – ката эм кумитэ – ётдюрюлгендиле, алада кеслерин СКФО-ну беш регионундан жюзден аслам сабий сынагъандыла.

Эсеплеге кёре республикабызны каратечилери 25 майдал алгъандыла. Кеслерини ауурлукъ къауумларында Уянланы Ахмат, Астам Маиров, Мансур Макоев, Дана Кумахова эм башхала хорлагъандыла. «Кюмюшлени» бла «доммакъланы» Доттуланы Мухаммат, Жаболаны Тамара, Чеченланы Камила, Биттуланы Имран, Шахмырзаланы Амин, Бегийланы Дамир, Бэлла Гетажеева, Дамир Индреев дагъыда талай спортчу къытхандыла.

Кульчаланы Зульфия.