ЖОЛЛА ТАПЛАНДЫРЫЛАДЫЛА

Ишчи жумуш бла  Огъары Малкъаргъа баргъанында район башчы Къулбайланы Алан  «Къоркъуусуз, тынгылы жолла» деген миллет проектге тийишлиликде элде  Асланов орамда ишлене тургъан  жолгъа да къарагъанды.

1,8- километрлик участкада Малкъарлы Черек деген черекни юсю бла  жангы кёпюрню да ишлерикдиле. Ол 1098 жылда хайырланылыргъа берилген эди, алай андан бери анга бир кере да капитал ремонт этилмегенди.

Бу кюнледе жол къурулушчула  баш эмда тюп къабыргъаланы тохташдыра турадыла. Андан сора ала орамгъа жангы асфальт саллыкъдыла, дагъыда андан сора уа,  жангы кёпюрню ишлеуню къолгъа аллыкъдыла.

Ол ишледен сора да,  жолну жанларында   тыйгъычла, керекли жол белгиле да орнатыллыкъдыла. Алай бла бир заманда да орамда жанмагъан   чыракъла да жанып, аны жарытырыкъдыла.

Асанов атлы орамны тапландырыу ишле жайны ахырына тамамланылыргъа керекдиле.

Холаланы Марзият.

Поделиться:

ЧИТАТЬ ТАКЖЕ:

03.05.2024 - 14:00

АТ ЧАРИШЛЕ АРИУ МИЛЛЕТ ТЁРЕЛЕДЕН БИРИДИЛЕ

Биринчи майда Нальчик шахарны ипподромунда Жаз башыны эм Урунууну байрамына аталып  чаришле  болгъандыла.

03.05.2024 - 09:19

САТЫУ-АЛЫУГЪА СЕБЕПЛИК ЭТИЛЛИКДИ

Краснодар шахарда бардырылгъан InterFood Krasnodar кёрмючге Къабарты-Малкъардан юч предприятие эмда предприниматель къатышхандыла, деп билдиргендиле республикада «Мени бизнесим» арадан.

03.05.2024 - 09:18

КЁКШУУ ЁСДЮРГЕНЛЕГЕ КЪОШУЛА БАРАДЫ

Басхан районда быйыл биринчи кере кёкшуу салгъандыла. Кишпек элден Замир Тхакахов аны сынау халда 22 гектарда орнатханды.

02.05.2024 - 13:52

КЕСЛЕРИ ИШ КЪУРАГЪАНЛАГЪА ОНГ БЕРЕ

Кеслери иш къурап къармашханладан быйыл биринчи кварталда къыралны юлюшю болгъан компанияла 2,2 миллиард сом багъасына товарла эмда жумушла сатып алгъандыла.

02.05.2024 - 13:52

КЪОШАКЪ ФАЙДА ТЮШЮРЮРГЕ АМАЛ БАРДЫ

Узакъ болжалгъа ахча къыстырыкъ этиу программа (ПДС) быйыл январьда ишлеп башлагъанды. РФ-ни Ара Банкында айтханларына кёре, анга ким сюйсе да къатышыргъа эркинди. Программаны магъанасы недеди?