Районну  Маданият юйюнде медицинада ишлегенлени белгилеуге жораланнган уллу  къууанчлы ингир болгъанды. Врачланы, хирургланы, медсестраланы аллында районну эмда Къашхатау элни  администрацияларыны башчылары:  Къулбайланы Алан,Къазийланы Мурат, район больницаны баш врачы  Рахайланы Аслан сёлешгендиле эмда медицинагъа кёп жылларын берген врачланы, хирургланы, медсестраланы, лаборантланы профессионал байрамлары бла алгъышлагъандыла. Ала кёп огъурлу сёзле да айтхандыла, кеслерини тутхан ишлеринде не заманда да эм игиле болурларын  да тежегендиле.

  Байрамлада,  хар замандача, хычыуун жумушла  - саугъалаула да болгъандыла. Ол кюн эм иги медикле Черек районну администрациясыны, жер- жерли самоуправление советини, Къашхатау элни администрациясыны грамоталарына тийишли болгъандыла. Алагъа  айтылгъан битеу  алгъышлагъа биз да  къошулабыз.

х х х                 

Медицинада ишлегенлени кюнюне жораланып, республикада спорт эришиуле да болгъандыла. Алада хорлагъанлары ючюн Черек районну медиклери  команда эсепде биринчи жерге тийишли болгъандыла. Бу суратда  Черек районну жыйымдыкъ командасыны капитаны Чигирланы Маратны команда тийишли  болгъан кубок эмда грамота бла саугъаланнганды.